 17-Nov-2007, 11:53 PM
( أول ما وصلت للبيت دشيت غرفتي وحاولت أرقد..لكني..مارمت أرقد إلين الصبح..وأول ما شفت أمي..في المطبخ..تجدمت صوبها وقلت لها تعطني أكبر كوب فيه شاي حليب..
طالعتني بستغراب..وسألتني إذا رقدت ولا لا..وأخذت ترمس معاي عن قصايد..وكل ما تقول عنها شي..أحس الصداع يزداد براسي..لأني مب رايم اسنى شكلها اللي يلوع الجبد استغفر الله..
على آخر شي خذيت الكوب..ورحت صوب أخوي سالم اللي كان يالس
في الصاله.. )
وأول ما يلست حذاه..طالع علي وهو يضحك :
شو بلاك..شكلك ما رقدت..
أشرت على راسي :
صدااااااااع بيفجر راسي..
ضحك وهو يقول :
هيه أكيد من كثر الوناسه..ترى اليوم ملجتك..تعال..صج..شو بتلبس..؟!!
طالعته وأنا معصب :
بلبس خيشة بصل تبااااها..
( وقمت من مكاني وأنا ماخذ الكوب.. شفت أبوي وعمي يالسين في المقلط..تجدمت منهم..ويلست..وأول مابديت أشرب الشاي..بدوا يرمسون عن اليوم..لين ما ذكروا أسم قصايد..وهني زاااااااااد الصدااااااااع براسي..لأني تذكرت ضحكتها ..ترخصت عنهم..ورحت صوب غرفتي )
سمعت صوت طق الباب..وشوي استأذنت أمي انها تدش الغرفه عندي..وأول ما تجدمت صوبي..وأنا منسدح على الشبرية..وحاط الكوب فوق الكمدينو.. قالت :
محمد يا ولدي اباك اليوم يوم تدش عند الحريم...وتلبس حرمتك الشبكة مالتها..ما تدش إلا يوم أنا آيي..وأقولك تعال..
لو تلقفت وخربت السالفه يا ويلك مني..
طالعتها بحزن :
أمايه..ضروري أدش ..؟!!
قالت وهي تأكد :
هيه لازم تدش..ولا شو على بالك..
ترجيتها :
دخيـــــــــــــــــــلج مابي أدش..والله أن دشيت اخرب الحفله..مابي أدش..
مابي..
( وكنت اتخيلها جدامي .. بشكلها اللي كسر قلبي وفرحتي )
طالعتني بستغراب:
ليش انزين..؟!!
حطيت ايدي على راسي :
احس بصداااااااااع دخيلج مابي علشان خاطري..لا تجبريني..
( وشوي حسيت عمري بصيح.. )
( طالعتني بعصبيه..وعقبها ظهرت من الغرفه..واثاريها راحت تتشكا عند أبوي اللي دش معاها مره ثانيه للغرفه..وبدأت التحقيقات..عن سبب رفضي
على آخر شي اقنعتهم بالمضرابه..أني مستحيل أدش لأني ما احب ادش عند الحريم..
اخذ ابوي يقنع بأمي إلين ما وافقت وهي معصبه..وهذي المشكله وحليتها اليوم..بس يوم العرس شو أسوي يا رب..انتحر..؟!! غلطت غلطة عمر.. وشلون اصلحه هالغلطه وشلون..؟!! احط لها بكوب عصير سم الفيران..؟!! بس ياخوفي تكون اقوى عن السم ..!!! )
****************************** ****************
|