منتديات غلا السعودية - عرض مشاركة واحدة - . .. . ِوإنيّ غَ ــرامُكْ يُوْمَ كُنتيّ عَن " غ ــرَاميّ " تبَحَثيْنَ .. . . .

مآمثلي{ آحـد...! · 19-Sep-2007, 05:25 AM

أبيك يالعذراء تجيني .. ثـم تروحـي .. / ثـم تجيـن
وتستقرّي .! بوسط قلب ٍ ما نوى.. / لقلبك قطـاع
وأبيك بإيدك تلمسيني ../ وفوق شَعْرِي .. تمسحيـن
وتسكتين .. ليا أنا قلـت : إنـي أحبّـك بإندفـاع
وإني عشقتـك يـوم كنتـي .. ، بالطفولـه تلعبيـن
وإني أموت .. بنبض قلبك حتّى لو.. / بالحـب بـاع
--{ وإني غرامك يوم كنتي عن غرامي تبحثيـن }--
في قلوب ٍ مـا تِعَـرْف .. للحـب أي قمّـة وقـاع
وإني أحبّك .. بس أحبّك ..! بكل لحظه ../ وكل حين
[ وأرد أحبّك ] ..[ ثم أحبّك ] لين أحبّـك بإقتنـاع
أموت في حمـرة خـدودك../ لـو بلحظـه تخجليـن
وأذوب في نظـرة عيونـك../ لمـا تبـدأ الإتسـاع
وأهيم في حضنك وربـي ../يـوم حضنـي تحضنيـن
وتضمّي كلّي لين كلّـي../ يرتجـي بـس السمـاع
لا توادعنـا../ أبيـك ِ بكـف إيـدك تمسحـيـن
دمعـة ٍ هلّـت علـى خـدّي ../تبـرر هالـوداع
ما أبيـك تزيـدي همّـي يـوم أشوفـك تصرخيـن
لا تسافـر يـا حبيبـي../ لا تفـلّـه هالـشـراع
لا تهاجـر يـا حبيبـي../ همّـي قاسـي مـا يليـن
وحزني أقسى لو كساني../ صرت بـدروب الضيـاع
[ قلت : يا عمـري تعالـي آمرينـي وش تبيـن ؟ ]
ما أسافر . ؟ ما أهاجر ؟ أبشـري أمـرك مطـاع ..!
ما قدر قلبـي يسافـر ../ وإنتـي تبكـي تكتويـن
بجمر حزنك من بعادي .. والله قلبـي مـا أستطـاع
ماني راحـل .. ! إلا وانتـي تودعينـي وتضحكيـن
تقولي : "روّح يا حبيبي "وضحكتـك ماهـي قنـاع
لحزنك اللي من طريـت الرحلـه.. وانتـي تشهقيـن
وتقتليني .. لما شفـت الدمـع فـي ذيـك الوسـاع

بقلم/أحمد العولقي