منتديات غلا السعودية - عرض مشاركة واحدة - قصتي مع ابو سعبول ... الله لايعيدهـ من يوم خخخ

..قـ انها زحلطن ـسم..

هلا والله وغلا

هلا فبرآير هلا

يآمرحشآ

يآمرحشآ

نوركم طفاء الكهرباء

اسمعو يآحلوين

انا أدري ان مآ ورآي الا الدجه ...وموآضيعي كله دجه

فلذآلتس !!

لايجي أحد مدرعم ومطفي النور ويقول :: موضوعك بآيخ

عشآن ما افصخ سآعتي وانشبها بجبهته

ولايجي أحد مشربك بالبوآري ويتميلح ويقول :: موضوعك مكرر

لاني بوقتها ابعطيه كفين

الأول :: صدقي

والثآني:: مكرر

<------<< نعنبو ابليسك جاي تكتب موضوع ولا تهدد ؟؟ خخخخخخ

المهم ياحلوين أحس اني ابطوول بموضوعي يعني (( 1000 كلم )) شوويه عليه

فحرصاً على سلامتكم ....الرجاء ربط الأحزمه ... وكل وآحد يتزين بجلسته ويدعي ربه اني انهي الموضوع بسرعه

((

))

((

))

بسم الله توكلنا

في ليلة من الملاليل ... وانا كعادتي طفشآن ومدري وش اسوي

كنت جالس بالغرفه ....مره منسدح على بطني ...ومرة منبطح على ظهري ..ومره متعلق بالمروحه

أو اخذ مجله (( بآسم )) حقت الأطفآل ..واحآول أطلع الفرق والشبه بين (( القرد والغزآل))

ولا امسك الجوآل واقعد ادقدق على المطآعم ...واسولف مع هالفلبينيين

أو اسوي نفسي مثقف ......و احط على قنآة السودآآن ...

ولا اطفي التلفزيوون واقعد قدآآمه ...والمشكله اني افطس ضحك وهو طآفي << يآخوفي يصير مخك الفآضي

))

((

))

((

كل هذا بوقت الطفش

))

((

))

((

))

(( الطفش )) :: وطبعاً الطفش ذكر في كتب النصوص والفيزياء ...ان اصلها فآرسي ومعنآهآ .. الفلسفه بدون علم

اما عند العرب ..فتطلق على من لايدري وش يسوي <------<< أغديك ماتسوي نفسك فآهم خخخخخ

))

((

))

((

))

ولا وأزيدكم من البيت غرفه

((

))

((

))

أذكر اني مره من زود الطفش ...طلعت ركبت السيارة ...وحطيت شريط فديو على الطبلون

واضغط على زر المكيف يقالي اشغله ...واجلس اشوف الطبلون واضحك >>----> حآله لايُرثى لها

))

((

))

((

))

((

المهم مررهـ من المررآريت ..وانا جالس اتخيل اني رآكب مع زينب العسكري

وتشربني عصير بردقآدن من ابو صرة

قطع حبل أفكآري وهوآجيسي

..صوت طق الباب حق غرفتي ...قمت لبست فنيلتي

ورحت أفتح الباب ...وأثآريها امي...وآقفه عند الباب وبأيدهـ (( مس جريش )) وتقول :: خويك ابوسعبول ينتظرك

لاحووول الله ...الحين شلون ابصرف النشبه ...قصمن بالله اقعد مع هندي ...ولا اقعد مع ابوسعبول ...

ذآ الأدمي يفشل ماعنده أحساس ...ماعنده تفكير ...مخه فآضي مافيه الا أسلاك متقطعه وعلبه تونه فآضيه

وجهه مآبه ملامح جدآآآر ....غير هذا كله ..مايستوعب بسرعه ..

أذكر مره اول ماتعرفت عليه سألته حسبت انه رجل

قلت له :: ... من وين انت (( يعني قصدي من اي منطقه )) قال ::انا من القصيم

ثم سألني هو وقال .:: وانت ياتركي وش جنسيتك؟؟<-------<< نعنبو هالثور والله انه منلحس مخه

المهم ضحكت حسبت انه يتميلح ...مآدريت انه ثووور بالفطرهـ خخخخخ

المشكله ان ابوهـ يفتخر به عند الجمآعه.

:: يقول :: هو الوحيد من عيالي اللي معه شهآدة ابتدئي ليلي ...

كآن أخوآنه يحسدونه على التفوق الدرآسي .... <-----<< قصمن بالله اني أرحمهم خخخخخخ

المهم اني قررت إني أطلع معه ....منهآ أكسب اجرهـ ...ومنهآ اضيع وقت <----<<حتى الوقت حسآفه اني اضيعه معه

المهم طلعنا نتمشى وندور ...وطوول الطريق وحنآ سـآآكتين ... انا منسجم مع الرآدو

وهو منسجم بخشمه ...يدخل اصبعه ويسوي علمية إبرآم من دآخل ..ويطلع شي أخضر ..ويمسحه بثوبه

<------<< الله يقرفك خخخخخ

فجأهـ قالي::

تصدق ياتركي هالجسله تذكرنآ بأيآم أخوآن أمي !!

قلت:: وش هي أيآم أخوآن أمك ؟؟

قال :: ياغبي يعني أيـآم الـخـوآآآلي

وانا اللي اضحك واجآمل ((( هههههه)) وقلبي يقرصن يقول وش قعدك مع هالعنز

ثم قآلي ::

تركي وقف السيارهـ شوي ... لاني أبيك بسآلفه ...

وقفت السياره:: ـ قلت ::يآ نعم خير أخلص علي ؟؟ <----<< من القهر

قال:: دق على جوالي عشان اعلمك... قلت :: ياعنز انا بجنبك ولا احد معنا ... وبعدين جوالي شايل منه الصفر<---<< ابي اصرفه بأي طريقه خخخخ

قال:: طيب عطن جوالك !! ...عطيته جوآلي ..ثم قال :: يالتسذووب شف جوآلك به صفر

ومير أنفقع من القهر ...والشرآر طلع من فوق رآسي

وأنزل من السيارة وأطلع مفك العجل ....قلت :: ياخي انت غـــبــي ؟؟ ولا دلـخ ؟؟

نعنبو ابليسك اللي بمستشفى(( شهآر ))...مآيفكرون مثل تفكيرك

يآخي أعقل ..أرحم الأدآمي اللي معك ...طلعت الشيب من رآسي

انا مدري شلون اهلك مستحميلن حمآر مثلك ...ياخي حتى الحمير له احساس ومشآعر

انت المفروض يحطونك ..بحديقة حيوآنآت ويحجرونك الين تموت...حتى السباع مهيب مآكله جثتك

(( كآن لكمآتي لها أثر و وآقع على نفس ابو سعبول صقيقي ))

حسيت اني جرحته بكلآمآتي الحآدهـ

كآن وجهه البريئ ... يدل على ملامح طفولية ...كنه وجهه بزر مضيع له ريال خخخخ

جلست أرآقب الموقف ....واشوف عيونه بدت تدمع

بس الغريب !!

ان دموعه لونهآ أصـفـرررر !!

مدري دموع ولا شي ثاني خخخخخخخخخخخخخ

المهم حركه لا شعوريه عطيته بوسه مع رآسه ... (( بس قصمن بالله يا عليه شعر تقل برشوومي ))

قلت :: ابو سعبول ...

ياصقيقي الصقوق... يآأعز من النمله ..يآطول النخله ..ياعقل السخله ..يآ بيض مخفوق..يآعذآب الخفوق

ومير يستآنس الدلخ ...ويهج الكشرهـ 10 متر قدآم من الونآسه

ويبداء يسوي إطآلآت وتمآرين...ويسوي بوش أب (( ضغط )) ...والمشق لعب بوجهه من الونآسه

(( المشق هو شي يجي بالعادة في الوجه ويصير وجه الوآحد كن مكبوب عليه كلورلكس وتكثر جنب البرآطم !! ))

قآل:: يآخي تصدق !! .... كلامك هذا اللي يخقق ذكرني بكلام امي

قلت :: ورآهـ وش قايله لك امك ؟؟ ..

قال ابوسعبول :: قايله لاتنسى تجيب لنا بصل وزبيب من (( العثيم مول ))

ومير أعض اصبعي من القهر

قلت:: نعنبو ابليسك وش جآب كلامي لكلام أمك ؟؟ يآخي احد موصيك علي!! ..احد قالك انتقم لي من تركي !!

انت مآتفكر ؟؟ ... شلون كلامي مثل كلام امك !! <----<< لاتشرهون ذيك المره معصب لان طلعت ومآكملت تفكيري بزينب خخخخخ

قال ابوسعبول :: عادي ياتركي انا خويك وإكرآم الصآحب دفنه !! بعدين اعتبرني مثل ابوك الصغير

<------<< من القهر قمت أرآفس بمكآني ..كني بربري مذبوح

قلت :: امش بس اركب السيارة لابآرك الله فيك والا باللي عرفني عليك

وركبنا السيارة

وطوول الوقت ..وانا سآكت مابي اسولف معه ..يـقـهر وغبي درجه أولى

ثم ألتفت علي ابوسعبول وقال :: وش فيك سآآآكت ؟؟

قلت انا :: يآخي مآودي اسولف معك غصب ؟؟ خلن ساكت اصرف ...مابقى شي ونوصل بيتكم >>---> ابي الفكة بقووة خخخخ

رد أبو سعبول :: تركي لاتيأس مع الحياة ..تصدق انا يافهد مضطهد بين الناس ومحد يحبني...بس صمدت واجتهدت

ودرست إلين كونت نفسي ...وهذا انا الحين طيآر بكلية الهندسه والطب ولله الحمد

!!

التفت عليه بحقد ورديت

:: سطل انت ..وش اللي طيار بكلية الهندسه والطب ..بعدين اذكر انك ماكملت الابتدآئي؟؟

قال ابوسعبول وهو منحرج

:: هههه هههه اخس صدتني ...بس حبيت اسولف معك لا اكثر

قلت :: طيب كل ترآب ... هذا نبي نوصل لبيتكم وسولف مع اخوآنك الين ماتمل

تصدقون ياناس!!

كنت أدور عليه الزله في اي شي

سألته قلت :: شف ابسألك سؤال واذا ماجآوبت ابنزلك بالطريق زين !!

والرجال والله مالقى لي بال ...منسجم مع خشمه هالوصخ

قلت :: طيب من تشجع !! ((الهلال ولا النصر )) <-----<< طبعاً في كل الحآلتين ابقولة انزل طس خخخخ

بس اول مرة حسيت انه ذكي

قال :: والله منب أتآبع مبآريات مصآرعه

بس بعدهـ أيقنت أنه صدق عنز مايفهم شي ابد خخخخخ

قلت :: طيب من تكرهـ أكثر (( بوش ولا شآرون)) <------<< آآخ بس لو يجآوب

قال :: شف حبيبي تركي >>-----> طبعاً استانست قلت اكيد بيجآوب ثم ابقولة خطأ طس

قال :: والله شآرون حبيب وقلبه طيب ..بس عيبه الوحيد انه مزود سعر التمر هالايام هاذي

عكس بوش ...عليه قرع وجح شين مره ...بس انه مخفض الاسعار وكلن يشتري منه

قلت انا :: وش تقول انت ؟؟ وش جآلس تبربر علينا به !!

قال ابوسعبول :: انت ماتقصد الهنود حقين ابو دحيم اللي بسوق الخضرهـ

بعد هاذي

قصم بالله انهبلت ... >>--------->

نزلت انا من السيارة ...وقمت أرآكض بالشارع واصارخ ..وانا حفيان ..والناس تنآظر ماتدري وش السالفه

بعدهـ مسكون اهلي ..ثم ودون لدكتور نفسآني ((مهب الدختور طآرق حق الضرس خخخخ ))

والحمد لله ..بعد ست ايام وخمس ساعات وثلادقايق ..رجعت لوضعي الطبيعي

وها انا بشحمي ولحمي

...وابوسعبول مايندرى وين ارضه بعد ذاك اليوم خخخخ

والحمد لله اني افتكيت منه بشكل نهائي

وهـ بس تعبت وانقهرت صدزز خخخ

ولكن قبل ماننهي حلقه اليوم

المخرج يرفع ايدهـ ويقول فيه سؤال نبي نسدحه

سؤال الحلقه للمشآهدين ::

(( كم مرة ذكرت حرررف (( عنز )) في هذا الموضوع ))

واللي يجآوب عليهـ ...يبشر بعنز صدزي .. مربوط عند باب المنتدى

تقبلوو تحيآتي التسبديه

والسلام عليكم ورحمة الله وبركآته