منتديات غلا السعودية - عرض مشاركة واحدة - يـ‘ـمه احبه ..فــ‘ـديت ابــوة قبل امـ‘ـه ..

ايقاع المطر · 19-Oct-2007, 03:49 PM

يمّه عليه إن زعـل ... واذا رضـى يمـّه

يمّـه ذبحنـي غـلاه ... وشـلّ وجـدانـي

يمّـه غرامـه طريـقـي ... ولازم اتـمّـه

شيٍ مـن الله علـى غفلـة تغَّشَانـي ...!!

اشهق على ضحكته واشفـق علـى ضمّـه

واموت منه إن جفى ... وإن جاني احيانـي

إن كان درب الشقـى يمـر مـن يمّـه ...!!

والله لكـمّـل شـقـاه " إن الله احـيـانـي "

اقـول ياسيـدي ... ويقـول ياعمّـة ...!

كـلٍ ذبحـه الولـه فـي عشـقـة الثـانـي

اشتـاق طعـم الغديـر اللـي وسـط فـمّـه

مقـدر اخبّـي عليـه ... اكتـب ويقرانـي

قمـت اشتكـي للغـلا ... واصيـح واخمّـه

ياشيـن بلـوى الهـوى ... الله لا يبلانـي

يقـول لـي بالهـوى مذهـب ولـي ذمّـة

واقـول بصـرك ... ولـكـن لا تعـدانـي

ابـي طريـقـك يصـيـر لوجهـتـي يِـمَّـة

ومنيـن يممـت وجهـك غـصـب تلقـانـي

يزمنـي بالهـوى ... زمـّـة ورى زمـّـة

قطّـع وريـدة وخاطـه وسـط شريـانـي

مبطي اذا خفـت صحـت وقلـت " يايمّـه "

والحين اذا خفت صحت وقلت " ياحصانـي "

لا واهني من قـرب منـه ... ومـن شمّـه

ماكـن ربـي خلقـه الا علـى شانـي ...!!

جيتـه وكلـي مــن الاشــواق ملتـمّـة

امشي من الصبح ليـن ان عشقـه امسانـي

ياحلو لوعـة شقـاه ... ويـا حلـو سمّـه

والله ياهـو بالهـوى " مـن جـد ورانــي "

ادمـى عيونـي ... وحنـى يدينـي بدمّـه

وعلـى طريـق الولـه اقـفـى وخـلانـي

يمّه احبّه ... فديـت ابـوه قبـل امّـه ...!

يهزنـي هـز ريـح ... وزلـزل اركـانـي

يهمنـي حيـل ... وادري فيـنـي اهـمّـه

حتى اسألي ثوبي الابيض... وعقالي