في حياتنا اشياء كثيره غلط ولكن المشكله لما تتكررفي حياتنا ويكثر تكرارها ...
حتى اننا تتوهم انها حاجه طبيعيه ومئلوفه .. وهي في الواقع مصيبه كبيره ..
وهي تدخل علينا بطريقهمباشرة وغير مباشره ... ومع الزمن تصبح مئلوفه لنا بغض النظر عن قبولنا او رفضنا لها من حيث المبدأ ...
ومن ضمن هذه الاشياء .... المخدرات ..
نعم المخدرات .....اصبحت منتشره كانتشار النار في الهشيم ...حشيش ...كبتاجون ....هروين الخ ..
طبعا المخدرات انواااع ...
ومن ضمن الأشياء اللتي تسللت لنا الحشيش ... بدعم وترسيخ من المسلسلات اللتي تظهره على انه مثل الدخان ... وان اللي يحششون ناس ظرفاء .... وطيبين واهل نكته ووناسه ...
مثلا :ـ
اذا تبي توسع صدرك ..مع واحد وتسولف معه .... يقولك على طول فيه واحد محشش ......وتبدأ نكت المحششين ..... وهات يا ضحك <<<< والله من الفهاوه
حتى من كثر ما تسمعها .... تحس ان المحشش هذه انسان طيب وسوي ....وش زينه .... يا حليله .وانه يعتبر مواطن صالح وصاروا شريحة من شرايح المجتمع .... <<<<<عام ولا سوا ... خخخخخخخخ
هذا هو الحشيش المخدر ...
القطعه تسمى ((نكس )) .... معاني الكلمات اخر الموضوع ......خخخخخخخ
وهذا القطعه الصغيره تلف بها كم صاروخ ....<<<<<<<<لاحد يفهم غلط صواريخ سكووود
وباتريوت... وحرب الخليج ........وصدام حسين اللي راح نمر على طاريه بعد شوي مرور الكرام ....
الصاروخ = سيجارة الحشيش في عرف المحششين ....
انا من ناحيتي من كثر ماسمع نكت المحششين... اتوقع اذا قابلت محشش ... يصير الوضع عااااادي ..... ما بخاف منه ..... يمكن يصير صقيقي ..... <<<الشرح تحت في معاني الكلمات
حتى في خطبة الجمعه توقعت امامنا وخطيب المسجد....... يستشهد ويقول فيه محشش سوى كذا وكذا الخ ........<<<<<< <<<< تأثير الصوم وما لقيت مكان اصلى فيه الا الشارع الشمس طبخت راسي ....
.gif)
عندنا من اول كان الدخان اكبر جريمه في العالم وكارثه اكبر من كارثة ... هيروشيما .... واضراره اكبر من اضرار كارثة التسرب النووي في تشرنوبل .... <<<<< اخس يالسياسي
واحد من اصدقاء سن المراهقه .. اذكر انه احترف التدخين في سن مبكره ...ما شاءالله عليه وهو في اول متوسط .....بدأ التدخين.... وثاني متوسط اصبح عاده محببه ... وفي الكفائه .احترف ...<<<<<لو يدرون عنه نادي النصر تعاقدوا معه يجبيب الكور من ورى القول.......خخخخخخخخخخ
في يوم والوالد راجع للبيت ....الا ويقز ولد الجيران وهو يدخن ... وعلى طول وهو يوقف السياره اصدر مرسوم ما نزل من السيارة الا والمرسوم منتهي ....حتى مامداه يوقعه .... صدره وتعمم علينا على طول بقطع العلاقات ايا كانت مع هذا الصديق ....
وتشديد العقوبه اذا اتضح أي تجاوز لمضمون المرسوم العائلي الجاير ...
.gif)
ما قلتلكم فوق راح نجيب طاريه ...... الله يرحمه
الوالد كلمته ما تنزل الارض ....ولا يثنيها ... والله مسوي لنا رعب من جد ....
7
7
7
7
7
الصوره ... للاستشهاد فقط .... ولا تمت للواقع بصله ....
من اقواله الشهيره : ((والله لو ادري انك تدخن يا براطمك ان اقطعها )) خخخخخخ
تخيلوا انسان من دون براطم .... <<<اللي ما يعرف معنى براطم انها شفايف..... فيه شرح الكلمات اخر الموضوع .....<<<يلعن ابو الذكاء يا شيخ ...
وفي الحقيقه بدات العلاقه تخف بيني وبين زميلي.....احتراماً لكلمة الوالد (( الذل حلاب البل )) <<<< احم احم
مع الوقت هو تعسكر صديقي .... وانا واصلت دراستي ورحت الجامعه ....وفرقتنا السنين....
وبعد تقريبا .....7 سنين انقطاع .... قابلت صديقي في احدى زياراته لعائلته .... ما شاء الله تغير ...وجهه منور ..
تعرفون ليه ؟ اكيد عرفتوا.... ترك التدخين ... لكن مع ذلك صارت علاقتنا شبه رسميه ..... والرجال اعطاني اشكل ....= طناش ....
تعرفون ليه طنشني .......<<<<<انا صرت مدخن محترف من 5 سنوات .....ترلم ترلم ترلم <<<< بس ابشركم البراطم قعدت سليمه الين بطلت بمزاجي ....
نرجع لمحور حديثنا ...... ومن الأمثله :ـ
الحين لا صار الواحد بيسافر برا .... هو وشلته الخاصه ..لكن لزق فيه واحد من اقربائه او زميل عمل الا يسافرلكن البقيه ما يعرفونه.....وعلى شان يمهد لاخوياه ... يقولهم.... الرجال حبيب ...سكرجي..... حشاش.... نكتي... اللي تبيه بس حطه على يمناك ..
الله واكبر يا مكارم الاخلاق ...
ما شالله ..... نعم المواصفات والاخلاق ....
((يعني صار شي عادي جداً )) من كثر ما نسمع عنه من نكت وقصص من نسج الخيال ... صرنا نحب المحششين بالفطره ...
وفيه عبارات دارجه......تسمعها حتى في المجالس .... يقولك فلان على طول مؤجر الدور العلوي ...بالملحق ... .خخخخخخخخ <<<< سكران .....او محشش ...... عادي في المعادي ...وكزلك في الزمالك ....
ومن الأمثله :
فيه جمله عند طلاب المدارس.. ...
المشكله ان اغلبهم يقولها وهو مو فاهم معناها ....
يقولك ..... حبتين
(( اللي هي كبتاجون )) ..... يرد الثاني يقول: وحده سلف وحده دين ......<<<<< حبيبي يالسجع ... لا ولازم اللي يقولها يأشر باصابعه السبابه واللي جمبها الكبيره ...مادري وش اسمها ......<<<<تورط
ولد اخوي في ثاني ابتدائي ... ويقولي نكته عن محشش .....يا حبيبي ..... اناظر في ابوه بنص عين .... يعني انتبه لولدك....<<<تكفى .. لكن هو ناظرني بعين معناها ابعد شوي لا يجيك مخمس ..
نرجع لمحور حديثنا ... <<<< لعن ابو ذالمحور اللي كل شوي مضيعه ...
مدمن المخدرات متى بيتعالج..... ومتى يقدريكون نفسه اذا نوى الزواج....ومتى بيتزوج ومن المهبوله اللي بتقبل فيه ...
مع العلم اللي يقبض عليه في تهريب ... ياكلها من 15الى 20 سنه سجن ....هذا اذا ما طارت الرقبه .... زي سلام عليكم <<<<<< وعليكم السلام ...خخخخخ سطلت من كثر المخدرات اللي في الموضوع...
المشكله ان العوانس عندنا الحين في اخر احصائيه ......1300000 <<< يا بري حالي..
.gif)
....
والله عدد كبير ... واذااستمر الحال على ماهو عليه خلال فتره بسيطه حسب الاحصائيه راح يوصل 2000000 مليون .....<<<<< ولا برنامج جورج قرداحي ....
قلنا العووووووانس.... اللي تعداهم قطار الزواج حتى دخنة القطار ما لحقوا عليها ..
الرجاجيل في السجون ....والمستشفيات ....والبنات عوانس ...
وصاروا البنات العوانس ملطشه للي يسوى واللي ما يسوى ....
واللي يائسه لجئت لزواج المسيار ... ومصياف ....ومشتاء ومخراف ..الخ
طيب هذولي البنات وش ذنبهم يقعدون كذا وفي الاخير اللي يسوى واللي ما يسوى <<<<< يا كثرهم .. يتريقون عليهم ....... مثال :ـ
8
8
8
8
8
8
هذي الصوره جات بالغلط .... هذولي حريم مسيرات على جارتهم ..... سوري شباب
ومن اسباب عنوسة البنات في مجتمعنا .... غلاء المهور .... بطالة الشباب ...وانحرافهم
.....المهم صار كل بيت نادراً ما يخلى من مطلقه .... بسبب ادمان زوجها ... او انه مسجون .....او في مستشفى وكله بسبب الحشيش .. والمخدرات
خاتمه الموضوع .....
ان المجتمع بدأ يتأثر بما حوله .... الان في مصر يعتبر الحشيش زي الدخان عندنا... لان الاعلام والشارع المصري يبسط امر الحشيش بانه غير مضر وبالنكت الظريفه عن المحششين حتى اصبحالحشيش والمحشش حاجه مستلطفه عند العامه .. ...... وبعد كم سنه بنصير زيهم .... لاننا نسير على نفس الخطى ....
وعلى شان كذا ... نقفل الموضوع باالاتي :
7
7
7
7
7
7
7
7
7
7
************************************************** ******************
مدرب يسأل لاعب محشش : في كم مرة تقدر تلف الملعب .....؟
قال المحشش : في زقارتين ..!
************************************************** *********************
واحد بمجلس يقول : سبحان الله ، هالسنة رمضان برد والعام حر
رد واحد محشش: لا ... وكلها كم سنة ويجيك الحج قبل رمضان ..!
************************************************** ********************
محشش قدموه يصلي في الجماعة
قرا عليهم في الركعة الأولى " طلع البدر علينا " ..!
************************************************** *************
محشش دخل محل شاف شنطة
سألهم : بكم .....؟
قالوا له : بخمسين ألف
قال : وين يا عمي ... جلد أمير ..!
************************************************** *********************
************************************************** ************************
محشش سأل شيخ : يصلح تصلي بدون وضوء ..؟
قال الشيخ : لا ما يصلح ......
قال المحشش : طيب ... وش رايك في اللي سواها وضبطت .....!
************************************************** **************************
اثنين محششين انقلبوا وهم مسافرين
قال واحد : ما تحس إنّا انقلبنا ..؟
قال الثاني : سوق بس خل عنك الوسوسة
7
7
7
7
7
7
7
7
واللي قلنا لهم فيه شرح كلمات اخر الموضوع....خلاص بطلنا ....<<<<<نذاله
