.!{ X-MAN }!.

قال بطريقة جدية :
محمد ابيك منك شغله إذا رمت تسويها أكون ممنون لك..


( بطلت حلجي شارعين والثالث في الدرب وقلت بكل فرحه.. مكبوته بقلبي) :
ابشر وأنا محمد..

رد علي الغريب :
محتاي منك تسوي بكره فحص دم..


مقلت عيوني وعقدت حيابيني.. :
شو..؟!! تباني اسوي فحص الدم..؟!! ليش أن شاء الله..؟!!
تباني اتبرع بدمي حق منو..؟!!

صد صوب البحر :
إذا بتسوي الفحص وبتييب الورقه وياك..تكون صج ما قصرت ولا تنسى تسويه في الطب الوقائي ..لكن لو بحرجك انسى الموضوع..ولا كأني طلبت منك شي..


( عاد هني..قلت بخاطري : حشى ما أرده أن طلب مني اسوي لأبوي الفحص والله لا اسويله خخخخخخخخ )
أشرت له وأنا ابتسم ( وبخاطري بتشقق من الوناسه..لأنه طلب مني شي أخيرا ً ) :
فالك طيب..بكره بسوي الفحص..وعقب بكره بييب الورقه وبلاقيك هني شو رايك..؟!!




طالع علي :
مشكور بتكون صج ما قصرت يا محمد..عيل موعدنا عقب بكره..
أن شاء الله..


( تبادلت وياه السوالف..إلين ما شفتها حزت صلاة الفير..ترخصت منه..ورديت البيت بسرعه قبل لا يصيدني ابوي متلبس وأنا ياي بنص الليل..لا والله يسويلي حفلة بدون كيك خخخخخ )

****************************** ***************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

في صباح اليوم الثاني نشيت من وقت..ورحت صوب الطب الوقائي..وسويت كل الجراءات للفحص..
وقالولي ..اطوف عليهم اليوم الثاني وبتكون النتيجة ظهرت..

ترييت اليوم الثاني عسب آخذ الورقه بفارق الصبر حتى أني نسيت الأساس وهتميت بالفرع..
ما كنت متوقع أن سعادتي بخدمة الغريب اللي محتاي لها..بتكون ثمن غالي وصعب بنفس الوقت..

لما يا اليوم الثاني..رحت وخذيت الورقه وأنا متشقق أني بسوي شي بيفيد الغريب..حتى أني ترييت الليل بكل شوق ولهفه غير معتاده..
ورحت صوب البحر ويلست من عقب صلاة العشاء..وكل مره أقول اللحين بيظهر..لكن ظنوني سحبت حبال الفشل..
ومر الوقت وكل ما احس أن الغريب تأخر..حتى أني بديت اشك بنيته على الحضور بالموعد..شرات متفقنا..

وبعد ما مرور الوقت..سمعت صوت الغريب..وهو ياي صوبي :
مرحبا محمد..


( قمت من مكاني وأول ما تجدمت أبي اسلم عليه..أشر من البعيد مغير للموضوع :
اشوفك ياي من وقت شو السالفه..؟!! )


طالعت عليه بنص عين :
لا ولا شي بس كنت انطرك ليش تأخرت..؟!!


أشر:
لا تأخرت ولا شي بس أنت ياي من وقت..


( هني استوعبت..انه عرف اني كنت هني ومن وقت..تلفتت صوبه ) :
وأنت حضرتك وشلون عرفت أني هني..؟!!


ضحك :
سر المهنه..المهم..سويت اللي طلبته منك..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( وبهبالتي نسيت آكله بقشوره لأنه عرف اني هني ومن وقت ولا يا صوبي...وبدال ما اهازبه..تجدمت منه وأنا بتشقق وناسه..ومديت له الورقه) :
خذ يالغريب..هذي ورقة الفحوصات..وكل شي..وهم بعد طبعتها قلت يمكن تحتاي لنسخه أو شي..

مد الغريب ايده المتغطيه كالعاده.. وخذ الأوراق مني..شفت عينه تطالع على الورق.. بدقه..عقبها قال :
أبي آخذ رايك بموضوع..


( مقلت عيوني وقلت بخاطري :
غريبه..ياخذ برايي أنا..؟!! ليش شو ستوى للغريب..؟!! .. معقول اقتنع انه يتغير ويخبرني عن حياته اللي لعوزني معاه بسبتها..؟!! )


سمعته يزغرني :
محمد أنت معاي..؟!!


قلت بسرعه غير متوقعه :
هيه هيه أكيد معاك..قول اسمعك..شنهو الموضوع..؟!!


كمل كلامه وهو يمشي رايح ياي :
السالفه يا محمد..لو حد في يوم سلفك بيزات..واتفق وياك ترد هالبيزات في وقت حايته لهن..وانت وافقت..
ومرت الأيام..وياك هالريال..وطلب منك هالبيزات..
تردهن..؟!! ولا تتحجج بأي شي..على الرغم أنت متأكد لا ظروفك تسمحلك تسدد له اللحين في وقت حايته ولا تروم بنفس الوقت تقوله ماعندي..
لأنكم متفقين..وهو بأمس الحايه للبيزات بهالوقت..يعني لو عطيته يوم ثاني يمكن حايته تكون انتهت..
هني وشلون تتصرف..؟!!


سكت في البدايه..وأخذت افكر بمنطق كلامه..عقب قلت ردي :
طبعاً..لو ياني بتظاهر ان البيزات عندي..وبقوله..عطني مهله بسيطه..انت سير على بيتكم..وباييك بالبيزات..
وأول ما يسير أدبرها..وأن عيزت اتسلف مهما صار..ما دامت حايت الريال..
وعقبها آيي بيته..واتأسف على التأخير وحتى لو ما تأخرت..واعطيه البيزات..


رد الغريب بنقاش مثير للإهتمام :
ولو ظروفك كانت شايده عليك..؟!! أنت بتضغط على عمرك وبدبر البيزات..؟!!

ضربت على صدري :
هيه أكيد..منقود عند العرب يردون بكلمه يربطها اللسان..
وشو يعني ظروفي شايده..أكيد ما دام ياني مالها غير مفهوم واحد أنه صج هو محتاي..نفس الشي..
وهو راعي حق في البدايه والنهايه..وحقه لازم يردله..شرات ماقلت قبل..
ادبرها واعطيه..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

تجدمت منه :
أقول يالغريب..!!
إذا أنت محتاي لبيزات..أنا اعطيك والمبلغ اللي تباه..بعد..واعتبرهن هديه مني..
لا تردهن..


ضحك وهو يقول :
كم بتدفع..؟!!


( ما صدقت انه بيحتاي لي بيوم بأي شي مهما كان..وهذي فرصتي وعلاقة شرات علاقة الغريب.. ما تتعوض..ريال نشمي..وهذا وقتي اللي لازم أوقف معاه فيها.. )
قلت بحماس :
اللي تآمر به..تم..


تجدم مني وحط عينه بعيني وقال :
تسلم يا محمد..بس صج ماقصرت..ووقفتك هذي ما انساها..بس صج مب محتاي..لأي بيزااات..ولله الحمد عندي من الخير واااااايد..
بس السالفه يا محمد..


سكت الغريب لفتره عقبها كمل :
أنت حكمت على نفسك بنفسك..وابيك تنفذ الشرط اللي بقولك عليه..


طالعته بستغراب :
شو تقصد مافهمت عليك..؟!!


أشر بكل ثقه :
أنا راعي حق..وياي اطلبك بحقي اللي عندك..وحقي هو الشرط..وحان وقته ولازم تنفذه وبدون أي تراجع أو رفض أو نقاش..

( على بالي ان شرطه بيكون شي مقدور عليه..ماكنت متوقع ان شرطه صاعقه قوية على راسي.. )
وقف في مكانه وقال:
عندي أخت في الرضاعه..وهي يتيمه وماعندها أي حد بهالدنيا...وانت شرات ماتعرف مشاغلي وايده..وما أروم اتحمل حملها..سفراتي وايده ومفاجأه..وما بطمن عليها عند حد كثرك..أنت الوحيد اللي اثق فيك..
وشرطي يا محمد..ابيك من بكره الصبح..تسير عالمحكمه وابيك تتزوجها..
بدون ما تشوفها..لأن شرطها الأول والأخير ما تشوفها..
إلين ماهي اللي تقول بنفسها أن عادي تشوفها..حزتها أنت حر..


أول ما سمعت الشرط..قلت :
شـــــــــــــــو...؟!! اتزوج..؟!! ومنو ..؟!! أختك أنت..؟!! وبكره..؟!!
وما أطلب أشوفها..؟!! وتتشرط بعد..؟!!
يالغريب انت يالس تنكت ولا شو بالضبط..؟!!

طالع علي بنظره حاده :
ومن متى انكت وياك يا محمد..؟!!
هذا شرطي ومب قابل للنقاش ولا الرفض أو حتى التراجع..أنا احترمت كلمتك..فيا ليت لا تخلينا نوصل لباب مصكوك..
المهم انت وقف عند باب المحكمة وهي بتيي..وخل عمك سالم هو الوصي عليها في العقد..
لأني ما أروم احضر للمحكمة..
لأسباب خاصه..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

يلست عالتراب من الصدمه..وطالعت عليه :
بكره..؟!!
صعبه واااايد؟؟ شو اقول لأهلي..؟!! أمي والله تذبحني..
شو هالشرط يالغريب..؟!!
( قلت بخاطري : شو هالغريب يباني آخذ اخته غصب..؟!! أول مره اشوف حد يخطب لأخته وهو يحدد وعلى كيفه بعد..
والأميره أخته..متشرطه ما أشوفها عيل أن طلعت شينه شو أسوي..؟!! )


صد ويهه صوب البحر.. وقال بهدوء :
هذا شرطي..وأنت ملزوم تنفذه..ولو على سالفة أهلك..حط أي حجه مقنعه..
وأنت وشطارتك..


ضربت كفوف يديني في بعضهن..وأنا أطالع عليه ..قلت بكل حيره :
أنت خليت فيها شطاره..؟!!
( سكت..وكملت بخاطري : شو هالوهقه..؟!! وشلون افتح وياهم الموضوع..والمحكمة تبطل من وقت وتصك من وقت..يعني إذا مالحقت بكون خلفت الشرط..وأهلي وشلون اقنعهم..؟!! وشلون اتصرف..؟!! )


بدون ما يطالع صوبي..مشى مبتعد عني وهو يردد كلامه :
لو على أوراق المحكمة كل شي جاهز..وبتكون معاها ورقة الفحص..يعني كل شي يخص ترتيبات الزواج بيكون متوافر وياها..وعلشان ما تتعب..بعطيها أوراق الفحص الخاص فيك..
والموعد بكره الصبح..عند باب المحكمة..ان شاء الله وهي اللي بتيي صوبك لا تحاتي..
بس ممنوع....تذكر كلامي.. ممنوع تطلب تشوفها..
لكن لو خلفت الشرط..وما حضرت..لا تزعل على اللي بيستوي وياك..لأننا اتفقنا..واللي بدايته شرط نهايته نور..
ومبرووووووك مقدماً..



( ولأول مره ما اتلفت صوبه..إذا كان بيسير ولا لا..لأن كلامه سبب لي الشلل في عقلي..مارمت افكر بشي واحد..
لكن بالفعل..لما حسيت بالهدوء عم المكان ولمده طويلة..تأكدت أني بروحي بهالمكان..
وأن الغريب راح..وتركني في قمة الحيره..ومابين نارين..نار الشرط..ونار أهلي اللي بيتفاجأون بهالخبر.. )

يلست بين فكره واقتراح وبدون أي فايده لين ماحسيت انه قرب صلاة الفير..حزتها شديت الهمه ورديت البيت بسرعه..
ولما وصلت..دشيت الصالة وأنا أمشي على أصابع ريويلي..ورحت صوب غرفة أخوي سالم..عقب ما تأكدت أنه غالق الجوال..وطقيت باب غرفته إلين ماظهر..وأول ما شافني..ظهر برع الغرفه..وصك الباب من وراه وهو يقول :
خير يامحمد..؟!! ليش ياي بهالوقت فيك شي..؟!! حد استوى به شي..؟!!



يودت ايده..وأنا آخذه لغرفتي.. :
لا تطمن محد فيه شي..بس ابيك بموضوع..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

دش الغرفه..وصكيت الباب بالمفتاح..تجدمت صوب شبريتي ويلست عليها..
تجدم مني ويلس صوب شبريته وقال وهو متخرع :
قول...طيحت قلبي شو فيك..؟!!


( طالعت عليه..وقلت بخاطري : هذا وهو سالم..احس الكلام..مب طايع يظهر..عيل شو اسوي عند ابوي..؟!!
أسميني بنجلط..مره وحده.. )
قطع علي صوته وهو معصب:
قوووول يا شيخ..شو فيك..؟!!


ابتسمت بهدوء :
لا تعصب..لا اللحين اهون اخبرك باللي اباه..
( شفته يأشر بإيده ..كمل ) .. وصج كملت.. أقول سالم..أنا نويت اتزوج..


رفع أخوي حايب ونزل الحايب الثاني وبكل استهتار قال :
شووووووو...؟!!
وعيتني اللحين وبهالوقت علشان تقولي نويت تتزوج..؟!! مارمت تنطر لبكره وتخبرني..؟!!


هزيت راسي أأكد له : لا ما أروم انطر..وحبيتك تكون أول واحد يعرف بهالشي..بس المشكله مب هني المشكله..المشكله..اممممممم المشكله..اني اريد بكره املج عليها في المحكمه..
وقف عقب علامات الحيره والصدمه والذهول انتحت بويهه :
شو..؟!! بكره..؟!!
ليش مستعيل..؟!!
لا عرفنا البنت بنت منو..؟!! منو أهلها..؟!! شو قبيلتها..؟!! زينه ولا شينه..؟!! من ثوبنا ولا لا..؟!!والأهم من هذا ترتيبات الزواج بعدك ما سويتها..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

نزلت عيني عالأرض وقلت بدون ما أطالع عليه :
البنت بنت ناس طيبين.. بس البنت يتيمه..ومالها حد..بهالدنيا..وهي عايبتني بصراحه..
ولو على سالفة ترتيبات الزواج..جهزت كل الأوراق اللي بنحتاي لها في المحكمة..حتى ورقة فحص الدم..


أشر بويهي وهو يحاول ما يرتفع صوته :
محمد..؟!! السالفه ما تطمن..
يعني تبا تفهمني أنك مجهز كل شي..حتى ورقة فحص الدم..
واللحين ياي تفاتحني بالموضوع..؟!!
انزين ليش ما فاتحتني أمس أو اليوم العصر عالأقل...؟!!
السالفه بصراحه مب داشه مخي..
( شوي..بطل حلجه وقال بعصبيه ) : مـــحمد....لايكون..تورطت ويا البنت..؟!!


( لما سمعت اللي قاله..صخيت وما رمت أقول كلمه وحده..عيز لساني ينطق حرف واحد..وهني أخوي يودني من حلجي ) :
محمد..تورطت ويالبنت..؟!!

بطلت يدينه وحلفت :
والله العظيم لا تورطت..ولا حتى شفتها..ولو بصدفه..بس ياخوي البنت ابي اتزوجها..وبصراحه في واحد من الربع هو خبرني عن البنت انها بنت جيرانهم وان امه تمدحها..ولأنه متزوج اقترح علي ..اني اتزوجها..


هدت أعصاب أخوي اللي كان يرمي الكلام بشك :
تبا تتزوجها أوكي مختلف وياك..بس بكره..؟!! انزين ليش هالسرعه..كلها..؟!!
يعني يا ما تطري الزواج بالمره..أو تبا تتزوج بكره..؟!!
حالتك حاله يا محمد..
انزين وشو المطلوب مني اللحين..؟!!


رديت ايلس فوق الشبريه وبهدوء :
هي ملجه وبس..يعني بعقد عليها في المحكمه..حتى حفله مب مسوي اللحين لاحقين على كل شي..
والمطلوب منك تفاتح أبوي بالموضوع..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

طالعني بستغراب :
إذا أنت تقول بتملج بكره الصبح..متى تباني افاتحه بالضبط..؟!! يعني تباني أدش بحلمه..وأخبره بالسالفه..؟!!


وقفت وأنا متضايج من اسلوبه بطنازه :
ليش تطنز انزين..؟!!
إذا ما تبا برايك..قول مابي وخلاص..واعرف اتحمل السالفه بروحي..مابي منك شي..
مشكور..تروم تسير على غرفتك..ماقصرت..



سكت أخوي سالم لفتره عقبها حط ايده على كتفي وقال بهدوء :
ياخوي الله يهديك..مب قصدي أنا آسف بس أنت ماخليت فيها كلام للعقل يقوله..
انزين مب مشكله بمشي وياك..علشان ماتقول سالم تخلى عني..
أنت وقفت وياي بسالفة نورة..واللحين بوقف وياك..بسالفتك..بس أقول عندك مكان نرقد فيه لو أبوي راغنا من البيت..؟!!


ضحكت..رغم أن مزاجي تعكر :
عندي لا تحاتي خخخخخ..بس صج سلوم..ابيك ترمس أبوي عقب صلاة الفير..بنيوده في الميلس..وبنتفاهم..معاه..خلنا نقنعه أوكي..بنحاول نرقع بالسالفه واللي يطلع معانا يطلع وربك ييسر أن شاء الله..


طالع أخوي سالم على ساعة ايده وقال :
أوكي..اتفقنا..اصلاً مب باجي شي على الأذان..خلني اتسبح..وانت زهب عمرك..والله يعين على صباح هاليوم..

****************************** ***************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( سالم ))

عقب ما سرنا المسيد نصلي وياأبوي وعمي سالم..دشينا البيت..وترينا عمي يسير على غرفته..وأول ما ابوي كان بيدش الغرفه..
تجدمت صوبه ويودته من ايده وقلت :
ابوي لو سمحت نريدك بموضوع..


طالع علي أبوي عقبها طالع على محمد ومشى صوب الميلس ويانا وهو يقول :
خير أن شاء الله يا عيالي..شو عندكم..؟!!


دشينا الميلس..وصكينا الباب..وطلبت من أبوي ييلس ويلست جدامه..أنا ومحمد وقلت :
خير أن شاء الله خير..( وطالعت على محمد..اللي كان ويهه أحمر ومتعفس.. )

( رديت أطالع على أبوي وابتسمت ) :
أقول أبوي..السالفه وما فيها..أن محمد نوى يتزوج أن شاء الله..


ابتسم ابوي ابتسامه عريضه :
مبرووووك.. زين والله.. شو أمك شافتلك بنيه وحاب تخطبها..؟!!


هز أخوي راسه :
لا..


طالع عليه أبوي :
عيل بنت منو تبا تخطبها..؟!! في وحده معينه ..؟!! ولا بعدك تبا أمك وحرمة أخوك يدورون لك على بنت ناس..؟!!


تدخلت على طووووول في هالسؤال اللي توجه لمحمد :
لا ابوي..في بنيه زينه بنت ناس معروفين وطيبين..لكنها يتيمه..ووحيده..
وأم رفيج محمد..تعد محمد شرات ولدها..هي اقترحت على محمد ياخذها لأنها بنت زينه ومسكينه...وحلفت لو ولدها ما كان معرس لاكنت خطبتها حقه..شو رايك..؟!!


سكت أبوي شوي عقبها طالع على محمد :
خير أن شاء الله نتفاهم على هالموضوع عقب..بنسأل بنت منو..؟!! شو اصلها وفصلها..
ونخلي أمك ونورة يشوفونها..
والله يجدم اللي فيه الخير..أن شاء الله..

( وأول ما كان أبوي بيوقف .. يودت ايده ويلس.. وهو يطالع علي ) :
شو فيك..؟!! عندك شي ثاني تبا تقوله..؟!!

قلت بسرعه :
ابوي محمد..مجهز كل شي..عسب يملج عليها..ومادام كل شي متوافر وياه..ليش التأخير..؟!!
ولو بتسأل عن ورقة الفحص..!! حتى الورقة جاهزه..وما بقى غير موافقتكم شو قلت..؟!!

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

طالعنا أبوي بستغراب :
وانتوا ليش مستعيلين لا انتوا بطيرون..ولا البنت بطير..
خلونا نسأل بهدوء ونناقش الموضوع برواق..عقب نقول اللي نباه...
الموضوع عن الزواج مب اللعب..الله يهديكم..

صدمني تدخل محمد السريع :
أبوي كل شي جاهز..ولا بقى أي شي بنحتاي له في العقد..
والبنت عايبتني..وبصراحه في حد متجدم لها..وام رفيجي أمس رمستها عني والبنت موافقه..
بس اللي متجدم لها هو شخص كان ابوها متسلف منه مبلغ عووود ..وقال لو ما وافقت..بيطالب عن حقه في مخفر الشرطه يا انها تدفع المبلغ أو تقبل بالعرض اللي عارض عليها والمشكله...أن الريال اكبر عنها 40 سنه..
حاولت اساعدها بدفع المبلغ لكنها رفضت..
وبصراحه ارتحت لها من خلال اللي عرفته عنها من أم رفيجي..وإذا أنت وافقت وملجت عليها..بدفع عنها الدين..لأنها بذمتي..
والبنت وحيده يُبه..يعني لو وحده من أخواتي لا سمح الله كانت مكانها أكيد بتتمنى أنها تتستر..ويا شخص هي تريده..مب مع واحد لاوي إيدها بشروط..؟!! واكبر عنها بوايد..!!!
عسب جذي ..جهزت كل شي..علشان املج عليها اليوم..ودخيلك يُبه لا ترفض..والله البنت طيبه حتى انت بتحبها..وبتعدها بنتك الرابعه..يعني غير بنتك نورة وايمان ونورة بنت عمي..
شو قلت..؟!!


سكت أبوي في البدايه..وكأنه كان يفكر بكلامي.. عقبها ابتسم :
خلاص على راحتك..إذا أنت مرتاح للبنت..وشرات ماقلت أنها بنت ناس..
خلاص توكل على الله..
بس تحمل اختيارك.. لاتقول ما قال أبوي..؟!!


( طالعت على محمد وأنا فرحان من قلبي..وحظنته وباركت له.. ) :
مبروووووووووك يالطفس بتستوي معرس ويا راسك..
ماتخيلك والله خخخخخخخخ


ابتسم محمد..وقال :
الله يبارك فيك ..

( ردت فعل محمد..ما عيبتني..حسيت باله مشغول.. طالعت عليه وقلت ) :
محمد..شو فيك..؟!!

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]