.!{ X-MAN }!.

طالع أخوي صوب أبوي..وعقبها علي وقال :
الله يستر ياخوفي أن أمي ما تقبل..


أشر أبوي صوبي وقال:
سير ياولدي وازغر امك..من المطبخ..وقولها ابيها تيي الميلس..


****************************** ***************

(( محمد ))

سار أخوي سالم يزغر أمي.. وأول ما دشت..أشرلها ابوي أنها تيلس حذاه..وأول ما يلست..خبرها ابوي بالموضوع..عقبها
طالعت علي بعصبيه :
يوم نويت تتزوج..تخلي أم رفيجك تخطبلك..؟!!
ليش ويني..؟!! مب أمك..؟!!
عيل ليش متعب عمرك ومعطني خبر اللحين..؟!!
استويت اللحين بمقام الضيوف..تبا تعزمني على ملجتك اليوم..؟!!


( طالعت على سالم..اللي تدخل ) :
أمايه اشبلاج..الله يهديج..؟!!
والله أم رفيجه بالصدفه..رمست عن الموضوع ولما توهقت البنت بسالفة راعي البيت خبرتها عن محمد..
اليوم بس ملجة بالمحكمة..لا حفلة ولا عزيمة حتى..


وقفت أمي تأشر بعصبيه صوب أبوي :
هيه وأنت ساكت على سوايا ولدك..طعت له اللحين انه ياخذ وحده الله العالم من ويين يايه..؟!!
ولا حتى شفتها ..؟!!
حسبي الله على عينج يا أم سليمان..صكيتيني بعينج الحاره..غربل الله عدوج..يالظالمه..
كله تركض وراي وتباني بس ارضى عليها..متأمله أن محمد ياخذ بنتها عفروه..المنتفه..
ولما شافت مافي أمل ..بهالموضوع قامت وصكتنا بعينها الحاره..
ولا ليش..؟!!
يمكن سحر..والله أكيد سحر..
( طالعت علي ) : بوديك عند المطوع يقرا عليك..أكيد البنت اللي تباها..
سوت لك عمل..
نحن الحريم نعرف بعض..وهالحركات ما تطوف علي..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

قاطعها ابوي :
بسج يا حرمه..هدي اعصابج شو بلاج يالسه تنازعي وتتحسبي على خلق الله..
ولدج لا صكته عين ولا مسحور..
اختار البنت اللي يباها..خليه يشوف حياته يا بنت الناس..وبختياره يتحمل كل شي بييه..
بسج عاد..عن هالحركات يا أم سالم..
باركي لولدج..وزهبي كندورته والبخور لأننا سايرين على المحكمة اليوم الصبح أن شاء الله..
واللي فيه الخير الله يجدمه بإذن الله..



( طالعتني أمي والدموع بعينها ) :
جذي تسوي بأمك يا محمد..؟!! وأنا اللي اقول من كثر غلاك..احترت في بنات الديره كلهن..
وتاليتها تختار وحده ما اعرفها حتى..؟!!
ماعليه ..ماعليه..هذي جزات اللي تعبت فيك..وربتك..مشكور..



( وأول ما عطتني ظهرها..قمت من مكاني وحبيتها على راسها ولميتها لصدري ) :
والله يالغالية..ما اكسر كلمتج..أن مالج خاطر..آخذ اللي أباها..حشى ماخذيتها..
( وقلت بخاطري : واللي يصير يصير ..كله ولا غضب الوالدين )


خازت عني وهي تطالع علي..وقالت :
صج..؟!! بتتراجع وحتى لو أنت تباها..؟!!


أشرت على عيوني:
من عيوني الثنتين اتراجع..الحرمه تتعوض..بس حشى الأم ما تتعوض بيوم..واللي خلقها خلق مليون غيرها..ولا شرايج يابعد عمري..؟!!

ابتسمت أمي..اللي هدت اعصابها عقب اللي سويته.. وقالت عقب سكوت مطول :
لا ما بتتراجع..ومبرووووووووك ياولدي..
( وراحت تيبب بصوت عالي )


( ظهر عمي سالم من غرفته..ويت نورة وسألوا شو الموضوع ..؟!!
خبرهم أبوي أني نويت أملج اليوم..وعقبها راح صوب عمي وقاله : تعال معاي وبخبرك بالموضوع..
وراحت أمي صوب غرفتها.. )
أما سالم..ابتسم وهو يطالع علي :
تم بعون الله وبحمده يالطفس خخخخخخخخ ..مبروووووك..والله تستاهل كل خير أن شاء الله ..وبنشوف اختيارك يالحبيب..
اسميك مب هين وياراسك عرفت شلون تألف ..خخخخخ

( طالعت على نورة..اللي ابتسمت وهي لابسه الشيله.. ) ووجهت كلامها لأخوي :
مبروك يا محمد..تستاهل كل خير أن شاء الله..
منو سعيدة الحظ..أن شاء الله ..؟!!

تجدم منها سالم..وهو ميود ايدها :
تعالي وانا بخبرج منو هي..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( فضى الميلس..وستويت بروحي..تنهدت..ويلست..وأنا افكر بالموضوع :
الله يسامحك يالغريب..
مب عارف ليش وافقت..بالضبط..؟!!
يمكن من كثر حبي لك تمنيت أي شي يربطني فيك ولو سالفة الزواج من أختك..
بس خوفي من بكره شو بييب معاه.. )

****************************** ***************

عقب ما تريقنا..رحت أنا وأبوي وعمي سالم وأخوي سالم للمحكمه..وقلت لهم يتريون العروس اللي بتيي..

مر الوقت..وكلهم يطالعون علي ويسألوني :
وينها..؟!! ليش ما يت..؟!!


( وشوي..أشوف وحده يايه صوبنا..طالعت عليها..كانت بنت مملوحة الويه..بيضا..وحلوه ما شاء الله.. )
هني ابتسمت... وقلت لها وأنا متشقق من الوناسه أنها بتستوي حرمتي :
اشبلاج تأخرتي يا بنت الحلال..؟!!


سكتت شوي وقالت :
سوري .. مافهمت..شو قصدك..؟!!


( يا أخوي سالم اللي مسوي عمره فهيم..ومحد قده..وأونه ياي يكحل السالفه..أثاريه عماها أكثر.. همس في أذني :
مب زين تزعلها من البدايه..عقب يوم تستوي حرمتك..برايك..لو حتى تموتها يوووع خخخخخ )
طالع عليها أخوي سالم وأخذ يتكلم بالنيابه عني :
يقصد..لو نخلص الإجراءات يكون احسن..لأننا من متى واقفين هني..

أشرت لنا برقه :
أي موضوع..؟!!


( رد سالم يهمس بإذني : حرام هالرقه كلها تكون حرمتك يالطفس.. )
رد وقالها سالم :
لا تستحين يا بنت الناس..يالله خلونا ندش المحكمه..ونملج..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( طالعت على سالم..وأشرت : سلوم لايكون أنت المعرس ..؟!! من الصبح تهذرب عطني مجال ياخي..)
طالعت عليها وقلت:
لو ندش ونخلص الإجراءات يكون أحسن..ولا شرايج..؟!!

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

ضحكت البنت ضحكة..خفيفه وقالت :
سوووووووري شكلكم مغلطين..أنا يايه هني ابي منكم خدمه..ابيكم تشهدون على الطلاق..إذا ماعليكم أمر..

طالع علي أخوي سالم وضحك..وقالي :
حاول مرةً أخرى خخخخخخ

( وهني..صكيت حلجي وما قلت أي كلمه..راح أبوي وعمي سالم..يشهدون على الطلاق..
ولما كنت يالس أرمس مع أخوي سالم..تجدمت صوبنا وحده لابسه اسود بسود..عكس تماماً عن البنت الأولى اللي كانت كاشفه عن ويها وقذلتها
..يا على بالي انها مغلطه.. )
قلت لها :
تفضلي أختي أي خدمه..؟!!

كانت ساكته وماردت علي..اكتفت أنها تمد ايدها وتعطيني الملف..
خذيت منها الملف..وأول ما بطلته..شفت أول ورقه وهي فحص الدم الخاصه فيني..عقبها شفت ورقة فحص الدم الخاصه فيها ..شفت مكتوب اسمها..حزتها صكيت الملف..وطالعت عليها :
اشحالج..؟!!

سمعت أخوي سالم يسألني :
منو هذي..؟!!

طالعت عليه.. وأنا اعرفه عليها :
هذي قصايد..العروس..

صخ في البدايه عقبها قالها:
ألف مبروك يا أخت قصايد..ما شاء الله قصايد يعني مب قصيده وحده خخخ تبين الصج الله يعينج على أخوي الطفس..خخخخخ

( ضربت بكوع إيدي على إيد أخوي سالم.. وقلت له بصوت خفيف :
خف عالبنت..لا تزيغها..ويي على بالها أنها بدش بعايله مستخفه..بسك انجعم غربل الله عدوك..)

همس لي بصوت خفيف :
تعرف..فرق وااااااااااضح بينها وبين البنت الحليوه اللي كانت هني..صح ولا لا..؟!!

طالعته بنظره:
تشب..ولا كلمه..استح على ويهك هذي خطيبتي ياسليم الئيم..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( سكت سالم..وابتعد شوي..وخلنا بروحنا..ولأول مره أحس بخوف ورتباك..حزتها حسيت كل الكلام متبعثر..مارمت ايمع كلمه على بعضها..
كل مره..أبي اقولها شي..احس لساني ينربط..إلين ما يا أبوي..وعمي سالم..
عرفتهم عليها وباركولها..
دشينا المحكمة وملجت عليها..وأول ما خلصنا..شفنا عند باب المحكمه واحد من الجماعه..سلمنا عليه..وخبره أبوي اني ملجت ببنت فلان..ومن هالكلام..
وأول ما خلصنا.. )

طالع علي أبوي وقال:
اعزمها عالغدا اليوم..خلنا نتعرف عليها..والله شكلها بنت حشيمه على هاللبس ما شاء الله..
ابتسمت لأبوي وقلت أن شاء الله..بس أول ما تلفتت..أدور عليها..انصدمت أنها مب موجوده ...رحت أدور يمين ويسار مالقيتها..


يا ابوي يسألني :
وينها..؟!!


( انصدمت.. شو أقوله..اختفت..؟!! يبت حجة من راسي ) وقلت :
يُبه البنت استحت..وصممت تسير على البيت..خلها مره ثانيه..


طالع علي بعصبيه:
ياللي ما تستح على ويهك..خليتها تسير بروحها..؟!! يعني انت ريلها اللحين وشلون خليتها تسير بتاكسي..؟!!
بس ما أقول غير ضف ويهك..وخلنا نسير عالبيت..


( تجدم سالم صوبي وهو يضحك علي وقال : أبوي لما نازعك تراها هذي هدية الملجة..لا تزعل..)

طنشت كلامه..ومشيت..وكله في بالي هالبنت..


****************************** ****************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( أم سالم ))


أول ما دشوا البيت..أخذت أيبب أنا ونورة..عقبها طالعت على محمد..وهو مبتسم..
وقلت :
بشر يا محمد..وشلونها العروووس حلوه..؟!!


ضحك سالم اللي تدخل :
مسكين وهو لحق يشوف طرف عباتها خخخخ

طالعت على ريلي حسن وقلت :
ليش مايبتوها معاكم..علشان تتغدا هني..والله سويت ذيج الطبخات السنعه..
قلت بتييبونها وياكم..


أشر أبو سالم على محمد :
أسألي ولدج اللي لا عزم عليها ولا شي..والمسكينه سارت بتاكسي..


صرخت عليه.. :
أفا عليك..ليش ما وصلتها للبيت على الأقل..؟!!

قال وهو ويهه أحمر :
البنت تستحي وشلون اعزمها..؟!! وأصلاً..منقود تيي البيت..بهالشكل..
المفروض تدش بعزيمه سنعه..ولا أنا شوي..وما تستاهل حرمتي..؟!!

هني حسيت كلامه صج.. طالعت عليه :
صح كلامك..عيل بنسوي لها حفلة عوووووده في القاعه..ولا حرمه إلا بعزمها أن شاء الله..
بس شوف..لازم اشوفها..حدد معاها وقت علشان نزورها..


ضحك عمي اللي قال:
الله يعين أن شاء الله..كلتوا الولد وحليله..خلوه يدش ويرتاح..وهو عقب بيحدد معاها وقت علشان تشوفوها أن شاء الله..


رحنا صوب المقلط ...ويلسوا يخبرونا عن اللي شافوه في المحكمه..

****************************** **************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( محمد ))

ما صدقت يطل علي الليل بستره..قمت من مكاني وتسحبت شرات كل مره..
وبكل سرعه رحت صوب البحر..
وكنت بموت من الفرحه أول ما شفت الغريب واقف..ينطرني..
ظهرت من السياره وتجدمت عنده.. وقلت :
مرحبا ملالالالالالالالايين ولاسدن بذمتيه..


تلفت صوبي :
هلا..يا محمد..


طالعت عليه :
شفت..؟!! التزمت بالشرط..وملجت عليها..بس تعال أثاريها أختك شراتك..وين انخشت في المحكمه..؟!!
تعرف..أهلي كلوني ليش سارت بروحها البيت..


ضحك :
زين عيل..


أشرت له:
اقول..أهلي يبون يشوفون العروس..وين بيتكم..؟!!


طالع علي..وأخذ يوصف البيت..وعقبها قال:
حياكم..بس يا محمد..ياليت محد يعرف أني أنا أخوها بالرضاعه..


استغربت من كلامه:
ليش في شي..؟!!


طالع علي وقال بثقه :
لا مافي شي..بس احترم هالشي..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

سكت..في البدايه..عقبها طالعت عليه وقلت :
تذكرت شغله..ترى أهلي بيسوون حفله عوده في القاعه بمناسبة الملجة..
ياليت لو تشاور أختك عن الموضوع..


تجدم صوبي وقال :
لا عادي مب مشكله..خل اهلك يفاتحونها بالموضوع..وشوف شو بتقول..


طالعته :
ليش انت ماعندك راي على سالفة الحفله..؟!!

يلس على التراب :
لا مب مهم..بس المهم..انها قالت ما تباك تشوفها إلين ماهي تقولك..

( تعكر مزاجي وقلت بخاطري : كم مره بتعيد علي نفس الكلام فهمت والله فهمت... يا في بالي احايله ) :
أقول يالغريب..؟!!
مب حقي أشوفها..؟!!


طالع علي من مكانه :
هيه من حقك..بس الشرط شرط..قلتلك ومن الأول انها ماتبا تشوفك صح ولا لا..؟!!


يلست حذاه من البعيد :
صح كلامك..انزين ومتى أهلي يرومون يشوفونها..؟!!


طالع علي :
بكره العصر إذا حاب..


ابتسمت:
زين والله عيل بعطيهم الخبر أن شاء الله..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( أخذنا نسولف كل مره عن شي..وخبرته باللي قلته عند ابوي عن سالفة اخته وسالفة اللي السلف اللي يت في بالي ..ضحك الغريب..على اللي انصدر مني..وعقب ماحسيت أن الوقت يمر وحزة الفير قربت.. ترخصت عنه.. وكنت متحسر بقلبي على الثواني اللي انتهت بسرعه..يلست الغريب حلوه..ولأول مره في حياته يسهر معاي لحتى هالوقت وبهالطريقة ولهالمده..تعودت منه يختفي.. رحت صوب سيارتي..واتجهت للبيت..لأني كنت اتفادى المشاكل بسبة السهر..ومافيني انكشف.. لاعقب توصل للجحيم مع أبوي..
وعقب ما رحت البيت وصليت الفير وكل شي..شفت الوالده تمر في الصالة..تجدمت منها وحبيتها على راسها..وعطيتها خبر أننا نروم نزور قصايد في بيتها اليوم العصر..ابدت لي موافقتها..وطلبت مني اني اسير الصبح..واتشرى شي يليق فيها..لأنه ما يستوي ندش عليها ويدينا فاضيه..
ولازم اييب مبلغ من البنك..حتى أدفع لها قهوتها اللي المفروض كانت تندفع أول ما كنت بخطبها..ولا تنسى المهر..مابيك تقصر بالبنت )


عقب ماتفقت ويا أمي على كل شي..رحت صوب غرفتي ورقدت إلين الساعه 10 الصبح..عقبها نشيت وتسبحت وتلبست..ورحت المراكز..اتشرى شي يناسب هالمناسبه..واول ماخلصت..رحت صوب القبور أزور قبر عمي علي اللي عمري ما نسيته..وما انقطعت زياراتي عنه..وأخذت اسولف..عن آخر المستجدات في حياتي..وأني ملجت..
وقلت له اني صج تمنيته يكون موجود معاي بهاليوم بس الحمد لله على كل حال..عقب ما قلت اللي بخاطري..للغالي..
ظهرت من المكان بكبره..ورحت صوب المسيد وصليت صلاة الظهر..
ورديت عالبيت..ويلست ويا الأهل نسولف ونضحك..
والكل مزهب عمره عسب يشوفون العروس..


( قلت بخاطري:ياليتني أروم اشوفها..ودي اعرف ملامح اللي بتستوي شريكة حياتي.. )


اشرلي سالم من البعيد :
شو فيك..؟!!

همست بشفايفي بدون ما اطلع صوت :
ولا شي..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]