.!{ X-MAN }!.

(( سالم ))

كان محمد طول هاليوم غريب الأطوار..كله معصب وماله خلق يضحك..وإذا ضحك وطرينا أسم حرمته..يترك المكان..ويروح..
مر هالوقت كله لين ما يت حزت الحفله..
كلنا تواجدنا في الصاله..والكل حضر وستناس..بس في شي لفت انتباهي..
كان محمد شارد الذهن..ومشغول البال..
وكل ما سألته..كان يتهرب من سؤالي..

وعقبها تجدمت منه وقلت:
صج محمد شو بلاك..؟!!

طالعني بنظره :
تعرف شو بلاني..؟!!

هزيت راسي :
لا..ماعرف..
شو بلاك..خبرني..؟!!


طالع علي..وأشر من قلبه :
لأول مره احس أن الجمال نعمه..وخذها نصيحه..انت ربي عطاك جوهره
فلازم تداريها وتدلعها.. ( وكملت بخاطري : وعطاني نحاس استغفر الله .. ضد الحسد خخخخخخ )


ضحكت وقلت له:
لا تحاتي الكل يمدح حرمتك ويقولون عنها ملكة جمال..يالله يا عم..من قدك..


شفته يضحك ضحكة قهر وقال وهو يمد كف ايده صوبي :
انزين تبادل ..؟!!
خذ قصايد..وعطني نورة خخخخخخخخخخخخخ


( حسيت محمد..مب خالي ..فيه شي غريب..بس أكيد مستحي هالطفس..بس ماعليه..هذي الحركات في البدايه عقب..اسميه ما بيعرف للحيا دار )

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( نورة ))

حضرنا الحفل ونحن لابسين أحلى الملابس وكاشخين أحلى كشخه..
والكل يرمس منو هالعروس اللي بياخذها محمد..


اللي تقول : يا بختها اللي خذته..والله أمها داعيه لها..
واللي تقول: أموت واعرف وشلون طاحت على العريس..
سمعت الكلام المتناقل في القاعه..إلين ما طفينا الأنوار..عسب تدش العروس..


ركزنا إضاءه قويه عالباب..وأول ما تبطلت هالأبواب..دشت قصايد وهي لابسه الفستان عشبي..مع تدرجات الفيروزي..
وفيه لمعه كأنه طيف..كانت بقمة الجمااااااااااااااال حتى كل من شافها انبهر فيها..كانت ماسكه باقة ورد كرستال..وفيها دمج من الورود اللي ماخذه لون الفستان..اللي هي لابسته..
وكانت ماخذه جزء من شعرها لفوق والباجي خلته مبطل..


أخذت أطالع على ويه المعزومات..لقيت الكل يطالع على قصايد بنبهار..
ابتسمت من خاطري..ودعيت أن ربي يوفجهم أن شاء الله



****************************** ***************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( محمد ))

أول ما خلصت الحفله..أبوي طلب مني أوصل قصايد للبيت..شفتها يايه وهي متغشيه ولابسه عباتها..( قلت بخاطري : ليش تتغشين..؟!! والله محد يغازلج اضمنلج أنا..ولا أقول..؟؟!! احسن تغشي علشان ما يشوفوج ويسوون حوادث..وانقلابات شعبيه )
مشت في الشارع..حتى تجدمت صوب سيارتي..بطلت لها باب السيارة اللي من ورى جهة السايق..وقلت لها :
دشي هني لأن فستانج عود..ما بتاخذي راحتج لو يلستي جدام..
( بس همي الأول والأخير ما تيلس حذاي )


قالت وهي متغشيه :
لا عادي مب مشكله ..المهم أني اسير عالبيت..مب مهم وين ايلس بالضبط..


( صكيت الباب..وطالعت صوب أبوي وسألته منو بيروح معانا بالسياره..؟!! قال اللي ما توقعته .. قال روحوا بروحكم..ولما توصلها عالبيت تعال..
حاولت آخذ حد ويانا..كنت خايف تستفرد فيني.. لكن أبوي مصر اني اسير بروحي..
طول الدرب أنا ساكت وهي ساكته..إلين ما وصلتها عالبيت..نزلت من مكاني..ورحت صوبها ابطل لها الباب وأساعدها تظهر.. )


وأول ما ظهرت..ودشت بيتها..قالت وهي متغشيه وواقفه في نص الحوش :
حياك يا محمد دش..

أشرت لها :
لا مشكوره..أكيد انتي تعبانه..وتبي ترتاحي..


ضحكت وهي تأشر صوب الميلس :
لا عادي..مب تعبانه..أبي ارمس معاك شوي ممكن تدش الميلس..؟!!

( قلت بخاطري : اللي يشوفها وهي ترمس بهالطريقة ما يصدق انها هي مب حلوه..يالله ماعليه لازم اتعود شو اسوي..أشرت لها أني بسير..ورحت بالفعل..وكنت بخاطري شاب ضو عليها.. )


****************************** ****************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

مرت الأيام..وفكرت قبولي بقصايد كزوجه..تصعب يوم عن يوم..لكني كنت اضغط على نفسي..وكل مره أوديها هي وأمي للسوق تتبضع..
وفي بعض الأوقات كنت اظهر معاها بروحنا..بس صج كانت بنت عجيبه..

في يوم من الايام..
طفت صوب بيتها..وخذيتها معاي كل مره مكان..
أول مكان خذيتها كان المول..قلت بخاطري بحاول أراويها أنواع الماركات في المكياج..يمكن..يمكــــــن..تته ور وتستوي حلوه..



وأول ما دشينا المحل..ظهرت الموظفه نوع يديد من المكياج وأخذت تشرحلها....ما رمت اطلب منها ترفع الغشوه وتشوف بنفسها ..خفت تلوع جبدي على بداية هالمشوار..
وأول ما شفت الموظفه صاخه..مستغربه..لأن قصايد مب طايعه تفهم..
عرفت حزتها أني ضحية هالزواج..

بس ياليت وقف الموضوع لهني..بالعكس..شفتها تآخذ الروج..( وأنا اللي ما اعرف بالمكياج..كانت عندي خلفيه بسيطه بسبت زهبت نورة ) وأشرت صوب الموظفه وهي تسألها :
هذا شو اسوي به..؟!! وين يحطووه..؟!!

مارمت أيود عمري..من الضحك..ضحكت وتجدمت صوبها..وخذيت الروج..وقلت لها :
هذا يحطونه عالشفايف..


أشرت وهي تفر الروج من ايدي :
لالالالالالالا..ويييييي.. شو تباني اسوي هالأحمر والأخضر ومادري وشو بويهي..؟!! لالالالالالالا مابي..
خليه حقج يالبيضا..

( والله رغم قهري من انها مفشلتني إلا كنت اضحك من سواياها..)

وكل ما ظهرت لها شي..تفره وتقول : وييييي..تبيني اخرب بشرتي وأنا حلوه ( هني ضحكت وقلت بخاطري : والله المكياج يحمد الله
انج ما شريتيه ..وحليلها مصدقه عمرها أنها حلوه.. )


أول ما سمعتني اضحك..طالعت علي وقالت :
ليش تضحك..؟!!

قلت لها وأنا اصد ويهي الصوب الثاني :
لا ولا شي..واللحين عيبج شي ولا نسير..على محل ثاني..؟!!


تجدمت جدامي وهي تقول:
لالالا..مابي شي من هالصبغات حق الويه..خلنا نسير على العطور والبخور..

( ظهرنا من المحل..ورحنا صوب محل العطور والبخور..وأول ما دشينا كانت الموظفه وحده حلوه ما شاء الله عليها.. )
أشرت صوبها وقلت لقصايد :
سيري عند الأخت وشوفي بنفسج شو يعيبج.. ( توقعت كأقل شي..انها تغر علي )

لكنها صدمتني وهي ترد علي :
هيه والله بسير أسألها شوفها كيف حلووووووه وايد..أكيد تعرف عن العطور والبخور ..مب احسن عن الصبغ..خخخخخ


( خذت من عندها كم عطر وكم علبة بخور..وعقب ماخلصنا من حواطة المول..سرنا صوب المسيد اللي بالطابق الأرضي..وصليت بقسم الرياييل..وهي راحت قسم الحريم..وعقب ما خلصنا..ظهرنا من المول..
ورحنا صوب المطعم المخصص للعائلات..وأول ما يلست عالكرسي..شفتها تيلس بطريقة تضحك..)
قلت لها :
شو بلاج..الكرسي مب مريح..؟!!

قالت عقب ما وقفت :
لا مب سالفة الكرسي..بس مابي اتعشى..

استغربت منها :
عيل ليش ييتي..؟!!

ضحكت :
علشانك حبيبي..

( قلت بخاطري وووووووع ما اخسها من كلمه تطلع منج.. غيرت رايي..وقلت لها : عيل خلينا نرد عالبيت أصلاً ماييت هني إلا علشانج.. بس مادام مالج خاطر بالعشا.. أحسن نروح )

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( وقفت بدون أي نقاش..وظهرنا من المطعم..ودشينا السياره..)
وقالت لي بهدوء : حبيبي ماحبيت اقولك اللي بقوله بس ..شو رايك..لو نتوقف..ولا تشوفني ولا اشوفك..؟!! يكون احسن إلين العرس..ولو على سالفة الزهبه..خلاص نورة عندها كل مقاساتي للملابس..وحجزنا الفستان والصالون..
وتبا الصج..اخوي عرض علي السفر..عند بعض المعارف في السعودية..علشان اييب بعض الأشياء الخاصه حق العرس شو قلت..؟!!


( حسيت اني بفتك من لقافتها..ونحاستها.. )
رديت عليها بسرعه من وناستي بهالخبر :
لا عادي..خذي راحتج..سافري يالغاليه..وبعطيج بيزات تخليها وياج أن احتيتي لشي..


سمعتها تقول وهي تدعيلي :
الله لا يحرمني منك حبيبي..والله ماتعرف غلاتك بقلبي..
محمد ..أنت ليش ما تقولي عن مشاعرك صوبي..من يوم ما ملجت علي..وعمري ما سمعت منك كلمه من كلام الحب..

( سكت شوي..وحسيت اني ظالمها معاي..بس صج ما تظهر الكلمات مني.. )
رديت عليها :
عيب هالكلام..وسوالف الحب ما تمشي معاي..



( سمعت اللي قلته وما قالت شي..والتزمت السكوت.. )
بس أول ما وصلتها البيت قالت قبل لا تظهر:
محمد..

طالعتها :
هلا..

سكتت شوي..عقبها قالت بنبره حزينه :
أنت ندمت لأنك خذيتني..؟!!!


سكت هني ومارمت أرد عليها..بس ضغطت على عمري وابتسمت لها ..وأنا ارد بجواب يشرح الصدر:
لا أفا عليج لو ندمت ما كنت استمريت..كنت تراجعت..وخذيت غيرج بس السالفه ومافيها أن بعدني ماعرفتج عدل..


سمعتها تضحك وهي تقول:
أصلاً حتى أنا..ماتعودت عليك..ولأني حبيتك يالسه اتحمل ثجل دمك..
عالرغم ياكثر اللي خطبوني ورفضتهم..لكنك أنت الوحيد اللي ماعرف ليش احس اني رتحت لك..يالله ماعليه..أكيد بنتعود على بعض أن شاء الله..
وتصبح على خير حبيبي..

( صكت من وراها باب السياره وزين انها ما خلعته من مكانه..قلت بصوت عالي لأني بروحي في السياره: وحليلها..قالت خطبوها كثير..بس شو اسوي القدر رماني عليج..وبشوف لا وين بوصل مع هالغريب.. خوووفي اكون صج غلطت غلطة العمر..لازم أحاول ما اخلي هالزواج يفشل بإذن الله..
حسيت بتأنيب الضمير..على معاملتي معاها بس هي شو ذنبها..صح احسها غبيه..بس تنحب وطيبه..ليش ما أروم احبها..؟!! .. يعني شو ذنبها لو هي مب حلوه..؟!! يالله ماعليه بحاول مع الأيام..خلاص مب باجي على العرس وايد)

****************************** ****************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

مرت أسابيع وأنا ما عرف شي عن الغريب اللي سافر السعودية مع قصايد..
والغريب في الموضوع أني اشتقت لقصايد ولقافتها وضحكها..
معقول أكون بديت أحبها..؟!!
معقول يكون طبعها نساني شكلها اللي ما يتشاهد..؟!!
حراااااااااام أنا محمد الحليو..ااااااالطيوب آآخذ وحده ما تتشاهد..؟!! شو اسوي..؟!! حتى المكياج ماتعرفه..تقول عنه صبغ ( وأخذت اضحك مع عمري خخخخخخخخخخ )


كنت يالس اشغل عمري مابين الشغل..وزياراتي لعمي علي الله يرحمه..وبين ترتيبات هالعرس.. ( آآآآآآآآه الله يستر من هالعرس الأقشر )
إلين ما يا ذاك اليوم..اللي كنت يالس فيه عند البحر وبروحي..
سمعت صوت الغريب..يرن في أذني :
في حد اشتاقلي هني ولا ارد من وين ما ييت..؟!!!


( حسيت الفرحه اقتحمت قلبي بدون اي سابق انذار
قمت من مكاني ..وتجدمت صوبه ركض..وأول ماكنت بسلم عليه..تذكرت انه ما يحبني اسلم عليه.. )
طالعت عليه بكل لهفه وقلت وأنا متشقق من الفرح :
مرحبـــــــاااااااااااااا ملالالالالالالالالايين ولايسدن بذمتيه..
ولالالالالالالالالالا يسدن بذمتيه..
والله لك شوووووق شرات شوق الصحرى للمطر..وينك يا ريال لا حس ولا خبر..معقول أهل السعوديه نسوك محمد..؟!!


أشر..وهو يضحك :
يا سلالالالالالالالالالالالام كل هالأشوااااااق حقي بروحي..؟!! اثاري لي غلا وأنا ماعرف..؟!!
بس..حشى..ما نسيتك ولهم مكان وأنت لك مكان..ومنو يعرفك يا محمد وينساك..


( هني صخيت على كلام الغريب اللي عمري ما سمعته..ومقلت عيوني على كبر كف إيد قصايد..كان دايم يرفض أن علاقتنا تكون قويه..معقول أكون وصلت لهدفي..وقويت العلاقه بالغريب من خلال زواجي من أخته..؟!! )

أشر الغريب بإيده وهو يتجدم صوبي :
ياهوووو.. أنا هنا..شو بلاك صاخ..؟!! بمنو سرحت..؟!! لايكون بقصايد..؟!!


هني قلت عفوياً ..وأنا متفااااااجع بفجعه لما قال قصايد وقلت وأنا أأشر بإيدي :
لالالالالالالا..( عقبها ضحكت خخخخخخخ كنت أحاول ارقع السالفه )

ويلست عالتراب ..وطالعته :
ايلس يالغريب خبرني شو سويت وما سويت في السعودية..وين رحت بالضبط..؟!!


قال وهو يعلق على كلامي:
أكيد..تبا تعرف..اخبار قصايد..لا تتم تقردني بهالحنيه..قولها مره وحده..
انك تباني اخبرك هي شو سوت..مب أنا شو سويت..؟!! ( وضحك خخخخخخخخخخخ )


( قلت بخاطري : حراااااااام ما أروم انساها ولو لثواني..؟!! يعني ما شفت حد إلا رمسني عنها..حتى حروب الأثول..فرحان فيها..والله أني خذيت اكبر مقلب في حياتي بس شو اقول غير االله يعين )

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

صرخ الغريب :
على وين وصلت يا محمد..؟!!


تنهدت :
على حظي الردي مع أختك..أقصد ( وانتبهت على كلامي ) اقصد على حظي الحلو ويا أختك..


يلس الغريب وأخذ يسولف..كل مره عن شي..وآخر كلامه..طالع علي وقال:
عالمكم يا محمد غير عالمي..
عالمي شي ثاااااااني..بس فيه من عالمكم وايد..


مافهمت قصده..في البدايه وقلت له :
ياليتني يالغريب أروم ادش عالمك..عالمك أنت وبس..اريد اعرفك زين..
ودي..تكون معاي..
وبخاطري اعرف شو سالفة هالثام..وهاللبس كله..؟!!!!
ودي اعرف أنت منو بالضبط..؟!!


ضحك وهو يأكد علي :
عالمي مب محبوب يا محمد..صدقني أن بخاطري اعيش شراتك..
عالأقل بدون قيود..
وبلا شروط..بس سبحن الله..مب نحن اللي نختار..


( كلام الغريب كان مشفر مارمت افهمه كثير..عالرغم أني كنت مستوعب لكل حرف يقوله وبنتصات..بس شو السبب اللي مخليني اعجز اني اوصل للمفهوم اللي يقصده ..؟!! )

أشرت له :
يالغريب..ليش تتهرب مني دوم..؟!! ليش ما تعطيني المجال أدش عالمك..؟!! اتقرب منك..؟!! اعرفك زين..؟!! شنهو اللي يمنعك..؟!!


حط الغريب عينه بعيني..وقال :
إذا أنت مستعد..وقد كلامك..بدخلك عالمي بس ان دخلته ماتروم تتراجع يا محمد..إلين ما أأذن لك..ولازم تسمع اللي اقولك عليه ولا بنتأذى نحن الأثنين..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( قلت بخاطري :أخيراً فورجت..والله وبعرف هالغريب عن قرب.. )
وقفت في مكاني وقلت بكل حماس :
خلاص عيل موعدنا بكره..وبنفس هالمكان..وعقب صلاة العشا.. شو رايك..؟!!


وقف وهو يمد إيده يسلم :
عيل اتفقنا..


كنت مستغرب لأول مره يمد الغريب إيده علشان أسلم عليه..صح بعده لابس القفازات..بس المهم بدايت الغيث قطره..مديت ايدي وحطيتها بإيده..
وعقبها..رديت البيت..ورقدت..وأنا انطر اليوم الثاني بفارق الصبر..


****************************** ****************

في بداية هاليوم..جهزت عمري..وخذيت بعض الأغراض اللي ممكن احتاي لها..
وعطيت أهلي خبر أني بسافر ويالربع..اسبوعين عالأقل..وأني مب متأخر..


سوت أمي مناحه في البيت..وشلون اسافر..بهالوقت..لكن عقب ما طمتها
وعقب ما طلبت من أخوي سالم اللي كان صعب الإقناع بدوره..أنه يقنعها بسفري..وافقت..

سلمت على أهلي كلهم..وأول ماعرضوا علي انهم يوصلوني للمطار..طلبت منهم بس يوصلوني عند مكان معين وفهمتم..أن كلنا متفقين نتيمع في ذاك..وواحد من الربع بياخذنا كلنا في سيارته..لأن أخوه هو اللي بيوصلنا للمطار..
رتبت أموري..حجزت التذكره..وكل شي..


رغم احساسي بأن سالم..مب مقتنع من الكلام اللي كنت يالس اقوله..حتى انه اكثر من مره سألني عن ربعي..وسألني عن سبب السفر..وكم المده اللي بقضيها..
إلا أن كل هالأمور مرت على خير ولله الحمد..


وصلني سالم..ومعاه أبوي وعمي سالم..وحروب..صوب المكان اللي حددته..واول مانزلت حلفت عليهم يسيرون ولا يتريوني..
وأول ما تطمنت وتأكدت أنهم راحوا..خذيت أول تاكسي طاحت عيني عليه..
وطلبت منه يوصلني صوب البحر..وأول ما وصلت للمكان..ظهرت من السياره..
ودفعت لراعي التاكسي..وأول ما ابتعدت السياره..تجدمت صوب المكان اللي اتفقت ويا الغريب..أننا نلتقي فيه..


وبالفعل..
مرت ثواني وسمعت الغريب ياي عندي وهو يقول:
أنت جاهز..؟!!

تلفتت وراي.. :
أكيد جاهز..يعني تقبلني ابيت وياك اسبوعين..؟!!

ضحك وهو يقول :
هذا أن ما طولت خخخخخخخ

أشر علي الغريب وقال..تعال..امش معاي..حزتها كنت حدي مستانس..
..ومشيت معاه..وكل مره نبعد ونبعد ونبعد..حتى دشينا نص الصحرى..طالعت عليه ووقفت بمكاني وأنا اتنهد:
وبعدين يالغريب..أنت يالس تمشينا بصحرى ..؟!!

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

كنت اسمع صوته لأن الظلام كان طاغي عالمكان
وما خلاني اشوفه وقال :
خلاص جريب بنوصل..



وعقب فتره حسيت بإيده تيود ايدي..وهو يرمس :
جدامك عتبه..

على بالي يتغشمر..يعني وشلون شاف في وسط الظلام..وتجاهلت كلامه..
وشوي طحت على ويهي ..سمعته يضحك :
قلت لك قبل في عتبه..ولا ما سمعت..؟!!


فجأه..شفت الدنيا تنور..طالعت عالمكان ..لقيت نفسي منسدح على عتبه..
وشفت الغريب واقف عند الباب وهو اللي شغل الكهربا وقال:
مرحبا يا محمد..نورت البيت..
شو مب ناوي تقوم عن العتبه..؟!! ولا عيبك التسدح...؟!!

ضحكت وقلت بعصبيه مزعومه :
ويا راسك..؟!! وشلون شفت العتبه في الظلالالالالالالالالالام..؟!! عنبوه..ليزر مب عيون..

أشر بويهي وهو يضحك على كلامي :
حشى منك..شو تبا تصكني بعين ..؟!! أصلاً أنا حافظ المكان..مب شراتك..توني يديد..



أول ما سمعت جملته..وقفت بسرعه..في مكاني وقلت له :
اوكي..المهم تسلم..يالغريب..ترى البيت منور بهله وناسه.. بس على فكره شو رايك بحركة التسدح..؟!! تراها حركه من حركاتي..
يعني لا يي في بالك أني طحت..انزين..؟!!

عطاني ظهره وهو يبا يراويني البيت :
هيه صح..بس حلوه الحركه..

( قمت..اتلفت وأطالع عالمكان..وانصدمت أن بيته في منطقه بعيده.. )
أشرت عالغريب وأنا في الحوش :
حشى حشى حشى..عنبوه..ليش فار عمرك بهالمكان بين كل بيت وبين مساافه تروم تبني فيها بيتين..اشدعوه..؟!!
وشلون تعيش..؟!!


ضحك وقال بثقه :
للأسف يا محمد مب نحن اللي نختار الحياه اللي نباها..معظم الأوقات تلاقي نفسك في مكان مالك ذنب فيه..ولو ما حبيته..
ومعظم الأوقات تكون انت الجهه الضعيفه رغم قوتك..



تجدمت صوبه.. في نص الصاله وحطيت اغراضي عالأرض وقلت:
يعني تبا تفهمني أنك هني رغم إرادتك..


ضحك وهو يأشر صوب غرفه من جهت اليمين :
بدري على هالسؤال..المهم شفت الغرفه اللي من صوب اليمين هذي غرفتك..والغرفه اللي عاليسار هذي غرفتي..والحمام الله يعزك..
مشترك..

واللحين سر هناك..وأنا بزهب لك شي تاكله..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

وأول ماكنت بسير غرفتي أشرت له :
بشرني وقول انك تعرف تطبخ..؟!!


ضحك..وهو يقول بثقه :
لا تحاتي سواء اعرف ولا ما اعرف ماعندك غيري خخخخخخ
( كنت حاس بشعور غريب..كنت فرحان بتواجدي بحياة الغريب اللي صج تمنيتها..وتمنيت اكشف اسرارها..وهم بعد حسيت بخوف من الغموض اللي يحيط بهالبيت..
كنت أطالع بكل تمعن عالمكان اللي صرت فيه..كان بسيط وااااااايد..وكأن يدرانه تدل انه جديم..كنت متجه صوب غرفتي.. لكن مع كل خطوه اتجدم فيها..كنت احس بشي غريب ما عهدته بيوم..بس شو كان بالضبط..؟!! هذا اللي ما رمت اعرفه..

تجدمت صوب غرفتي وبطلت الباب..شفت الظلام يحيطها من كل صوب..
مديت ايدي وأخذت أدور عالكهربا..وأول ما حسيت بزر اليت..ضغطت عليه واشتغل..

وأول منتشر الضو في أرجاء الغرفه..شفت المكان بقمة البساطه..مكيف في اليدار اللي يجابل اليدار اللي فيه الباب..
وحسير في وسطه الفراش..لاغير..
حطيت اغراضي في زاوية الغرفه..وظهرت بسرعه صوب الغريب اللي كان في مكان يسميه مطبخ..
كان شبه غرفه بدون باب..ومافيها شي غير ثلاجه صغيره وشوله كهربائية..
وخزانه صغيره...

طالعت على السفره الصغيره اللي فرشها الغريب فوق الحسير وقال :
تفضل يا محمد..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]