( كنت أطالع على السفره..ما كان فيها شي..غير صحن صغير بداخله تونا
وكم حبة زيتون..وكيس صغير فيه خبز..وكوب شاي سليماني ..
يلست عالأرض صوب السفره..وأشرت عالغريب..انه يتجدم علشان يآكل ) لكنه رفض وقال:
تعشيت قبلك..تروم تآكل عليك بالعافيه..


( في البدايه..كنت صاخ..على هالعشا..لكني ماحبيت احرجه..وبديت آكل )
وأول ماخلصت..وغسلت الصحن..ولميت كل شي..شفته يأشر صوبي :
تعال براويك البيت..


( مشيت مع الغريب اللي بدأ يتكلم وهو يمشي معاي ) :
اسمع..في هالبيت 3 غرف..الغرفه الأولى اللي بترقد فيها..والغرفه الثانيه غرفتي والغرفه الثالثه غرفه مصكوكه..وما يخصك فيها أبد..ولا تفكر تدشها لو سمحت..يعني لا تستوي فضووووووولي..
والحمام الله يعزك مشترك شرات ما قلتلك..والمطبخ وانت شفته قبل شوي..وهالصاله..
يعني شرات ما أنت شايف البيت كله بسيط..ولا فيه أي اثاث إلا أشياء رمزيه..وبسيطه..وهذي هي حياتي..


طالعت عليه :
الله يدوم عليك هالقناعه..أن شاء الله..


مشى جدامي لمسافه بسيطه عقبها قال وهو حاط عينه بعيني بكل تركيز :
شوف يا محمد..في هالبيت قوانين..حاول ما تخترقها..ولا تخالفها لو سمحت..
أول شي..متى ماحسيت أنك يوعان تعال وكل..يعني ما أروم آكل معاك..
وثاني شي..اخدم نفسك بنفسك..
وأول ماتدش غرفتك..ممنوع تظهر منها إلا للحمام الله يعزك ولا تبطل الباب مهما صار في الليل..وحتى لو سمعت صوتي..
وانتبه تصك النور مهما صار..وإذا انطفت الكهربا..بتلاقي شموع وكبريت..تحت المخده اللي بترقد عليها..
وسالفة الصلاة وقرآءة القرآن..ياليت تسمعني بدون ما تسأل..
حزت الصلاة..اظهر وامشي من يمين البيت وعقبها امش على طوووووول إلين ما تشوف شجره..وهناك..تروم تصل وتقرأ القرآن.. كثر ماتقدر عقبها تعال..وحتى قرآءة القرآن..اقرأ في النهار وبس..
والأهم من هذا كله..الغرفه اللي قلت لك عليها..لا تيي صوبها خير شر..مهما صار..حتى لو كنت أنا السبب..
صدقني يامحمد لو ييت صوبها أو فكرت تبطلها صدقني محد بيدفع هالثمن غيري..


( استغربت من كلامه عن الصلاة وقرآءة القرآن والحاحه على هالغرفه..بس شو فيها بالضبط..؟!!
ليش هالإصرار كله أني ما ابطلها..؟!! )
ابتسمت:
ولا يهمك..شي ما يخصني ما بييه.. بس شو فيهااا..؟!!

التوقيع

مقل عيونه:
بدينا من اللحين..؟!!



ضحكت:
لالا كنت اتغشمر وياك..شو بلاك ياريال بصلتك محروقه..؟!!

طالع علي وأشر صوب غرفته:
لا بصلتي ولا طماطتي محروقه..المهم اللحين اترخص يامحمد..بسير ارقد..تروم تسير على غرفتك..


( ماحبيت أكون ثجيل عليه من بداية اليوم..قلت بخاطري سير يا ريال..لغرفتك..وخليه يرقد..الله العالم شو فيه..؟!!
رحت غرفتي وصكيت الباب..تجدمت صوب الفراش..وانسدحت..ولأول مره ارقد بسرعه..
لكن صوت طق على باب غرفتي خلاني انش..سألت منو..؟!!
مالقيت رد..يا في بالي أنه الغريب..وفجأه تذكرت كلامه أني لا ابطل الباب إلا للضروره لاغير.. تجاهلت الطق حتى حزة صلاة الفير..طالعت على ساعتي..شفت وقت الصلاه..ظهرت من الغرفه..وتوضيت..عقبها خذيت السِيَادهْ..وظهرت برع البيت ورحت على وصف الغريب..شفت شجره من البعيد..وضو البيوت المتباعده ساعدتني اني اوصل لهناك بسهوله وعقبها بديت وصليت ..وأول ماخلصت..كنت اسمع صوت ضحك..
طول الدرب.. قلت بخاطري لو اتبع الصوت وأشوف منو يضحك..؟!! بس تراجعت لأني وعدت الغريب ما اتدخل بشي ما يخصني..
قمت من مكاني ..واتجهت صوب بيت الغريب..وطول الوقت وأنا امشي..اختفت صوت الضحكات..لكني
كنت احس كأن حد يمشي وراي..بس كل ما أتلفت..ما اشوف حد..
وما صدقت أني وصلت..وأول ما كنت بدش الغرفه..سمعت صوت في غرفة الغريب..تجدمت عند الباب وأول ما كنت بطق الباب..تذكرت الوعد
دشيت الغرفه ورقدت.. )

وفي صباح اليوم الثاني..ظهرت من الغرفه..ورحت صوب المطبخ..شفت الغريب لابس لبس ثاني وبألوان ثانيه بس نفس التصميم..كندوره وفوقها جاكيت..ومغطي ويهه بالثام..ولابس القفازات..حتى ريوله مب ظاهره لابس زلاقات..

****************************** ****************

(( الغريب ))

أول ما نش محمد..يا صوب المطبخ..ولما شافني ابتسم :
صباح الخير..

رفعت ايدي أأشر له :
صباح الورد والياسمين..وشلون اصبحت بهاليوم..؟!!

رفع ذراعه لفوق..وهو يتثاوب :
زين والله..بس احس بخمول..( سكت شوي وعقبها كأنه تذكر شي ) قال بسرعه ..تعال صج يالغريب أنت اللي طقيت علي في الليل..؟!!


( كنت متوقع هالشي..) هزيت راسي بالنفي :
لا..مب أنا..يمكن كنت تحلم..

التوقيع

دش المطبخ..وبطل الثلاجه وخذ ماي وطالع علي وهو يشرب :
لا..ماكنت احلم..وأنا واثق ان الباب انطق..


( التزمت السكوت..لأنه كان صعب علي افهمه عن وضعي.. ) غيرت الموضوع..على طول..
صليت الفير..؟!!


يلس عالحسير وهو يطالع علي :
الحمد الله صليت برع البيت شرات ما طلبت..
بس تصدق..؟!! وأنا في الدرب كله اسمع حد يضحك..وكنت احس أن في حد يمشي وراي لكن كل ما تلفت عسب اشوف ماكنت اشوف حد..
شو السالفه يالغريب..؟!!


أشرت له بدون اهتمام ( على الرغم أني عارف على شو يالس يتكلم بالضبط..؟!! ) :
هذي كلها تخيلات بتخيلات..شو بلاك..؟! ولافي سالفه ولا شي..


سوى حركه بعينه :
يمكن..تخيلات..ليش لا..؟!!
( طالع على لبسي وكمل ) ولامتى ناوي تبقى بهالباس وبهالثام..؟!!
مختنقت..؟!!
ماودك تشم الهوى الطبيعي بسك..بسك..ياريااااااااااااااال ..


قمت من مكاني وانا أأشر له :
لا تسأل..إلا باللي يخصك..ومادمت ماتعرف شو اللي حادني على هاللباس فمايحقلك ترمس وياي جذي..


****************************** **************

التوقيع

(( سالم ))

عقب ما سافر محمد حسيت بغيابه..رغم أن أهلي كلهم محاوطيني ولله الحمد..لكنه كان توأم الروح بالنسبة لي..تعودت على ضحكته وطنازته وتعليقه يملي هالبيت..
كنت دايماً أدش غرفته وايلس..وفي يوم من الايام..
تفاجأت..بجوال محمد مغلق ومحطوط فوق الطاوله..
قلت بخاطري ..أكيد نساه وحليله الطفس..الله يرده بالسلامه أن شاء الله
انسدحت فوق شبريته..
وأخذت اتذكر سوالفه واضحك..
صج أرض بدون هالطفس..تنعفس خخخخخخخ

****************************** **************

التوقيع

(( محمد ))

مرت أيام وأنا في بيت الغريب..وكلي أمل اني اكتشف سر من اسراره وأول شي حبيت اكتشف سر هالثام ..لكني ما رمت اعرف شي لحتى هاللحظة الغريبه
في يوم من الأيام..عقب صلاة المغرب ..قالي الغريب أنه بيسير على مشوار..
هني قلت بخاطري: مادمت بروحي ليش ما اسير وامشي شوي بلا هاليلسه بهالبيت ..


وبالفعل ظهرت من بيت الغريب..وأخذت أمشي..واطالع..المكان.. كنت احس بحساس غريــــــب ويخرع..لكني كنت اتوقعه بسبب اني يديد عالمكان..هديت من ظنوني..وأخذت اكمل طريجي..
شفت عيالي صغار يلعبون كرة القدم .. تجدمت منهم وقلت وأنا ابتسم..واعرض عليهم المشاركه :
تخلوني ألعب معاكم..؟!!


طالعوا بعض ..بنظراااااااات غريبه..وعقبها طالعوا علي وأخذوا يضحكون علي.. وقالوا :
تعال والعب نحب اللعب..


( قلت بخاطري : ليش يضحكون..؟!! يمكن لأنهم صغار وأنا كبير..؟!! )
تجدمت منهم وأخذت ألعب وياهم لفتره..بس كنت ألاحظ طريقة لعبهم واااااااااايد غريبه..لدرجة أن واحد منهم..ظل يضحك بصوووووووووت عالي ويخرع..وعقبها يلس في نص المكان..وهو يطالعني وقال:
احب اللعب تلعب معاي..؟!!


قلت له..وأنا متخوف من شكله..كأنه مب طبيعي :
ليش؟؟! شـ..شـ..شووو حاب تلعب بالضبط..؟!!


طالعني ..وهو يمد إيده عالتراب وياخذ كوووووووومه كبيره..ويبلعها في فمه.. :
نشوف منو يآكل اكثر..؟!!

مقلت عيني..عليه..من كثر الإستغراب..ومنتبهت لمكاني إلا من الضحكات المتبادله..وهم يطالعون علي وكل واحد منهم..يآكل شي..
اللي يآكل تراب..واللي يآكل..حصى..شكلهم يطيح القلب.. ( قلت بخاطري :
أكيد مب صااااااااااااحيين هذول..!!! أكيد مب طبيعييين ..!! أنا متأكد فيهم خلل..!! )
لبست قناع الأعصاب البارده..وسويت عمري مب متفاجأ..علشان ما يستفزوني اكثر..وانسحبت بهدوء..صوب
ياهل ما يتجاوز عمره الثمان سنين..يالس بروحه وويهه ذابل.. ( قلت بقلبي هذا مؤدب أكيد عاقل بتخبره عنهم.. )
تجدمت صوبه وأستأذنت منه :
ممكن ايلس حذاك..؟!!

التوقيع

هز راسه :
هيه..

يلست حذاه..على قطعتين طوب متراصه مع بعض..شوي سمعته يتنهد.. وأول ما طالعته..شفته يالس يصيح..
قلت له : شو بلاك..؟!! ليش تصيح..؟!!


رفع ايده الصغيره..وأخذ يمسح دموعه ..بدون ما يرد علي...
طالعته بخوف :
شو فيك..؟!! ليش يالس تصيح..؟!!


شفت عيونه الغارقه بالدموع تطالع على بيت من البيوت..استغربت شو بلاه..؟!!
سألته مره ثانيه :
حبيبي شو بلاك..؟!! خبرني انزين يمكن اساعدك..


وأول ما سمعني أقول كلمة اساعدك..بكى أكثر عن قبل..وهو لام ركبته لصدره..وغطى ويهه بإيده وأخذ يصيح بكل مافيه..أنا هني تخرعت :
شو بلاك ياولد الناس ليش تصيح..؟!!
( كملت بخاطري : حشى هذا مب طايع يقول شو بلاه..؟!! يعني بيقول شو بلا هذولاك الميانيين..؟!! )


قطع تفكيري صوته الممزوج بالبكا:
راحوا وللحين ما يو..؟!!


( قلت بخاطري : الحمد لله..رمس..أكيد بفهم اللحين )
وبالفعل فهمت أنه يقصد اهله..لأن بين كل كلمه والثانيه يطالع على البيت من بعيد..بيت مظلم..وكأن محد يسكنه..حبيت أهدي من خوفه وحزنه :
ماعليه حبيبي ما بيطولون ..يمكن ساروا يسلمون على حد وبيوون..


شفته فجأه يطالعني..وعقب شفته يمد ايده..صوب التراب..وأخذ كميه منها..
ومدها لي..عقب ماتغيرت ملامح ويهه للون انسان ماتسكنه الروح.. وقال والغضب يظهر من عيونه :
كل..هذا..

التوقيع

طالعت على التراب ( وقلت بخاطري : شو هالبلشه..؟!! أنا على ويين ييت..؟!! هذا العاقل ويباني آكل تراب..عيل الميانيين اللي هناك شو بيأكلوني..؟!! طوب..؟!! ) ابتسمت له وقلت :
شو آكل تراب..؟!!


ضحك ضحكه تخرع..لدرجة أني حطيت ايدي على أذني علشان ما اسمع صوته وصوت الهبايل اللي معاه ..وأول ما شفته ساكت هو والمناحيس..ويطالعون علي..!!
خوزت إيدي من على اذني بهدوء..عقبها قلت لهم:
شو بلاكم ميااااااااااااااااااااانيين..؟ !!

طالعني هالياهل اللي كان يصيح.. وقال بطريقة أمر :
تعرف إذا ما كليت هالتراب شو بسوي فيك..؟!!!!!!!!!!

قلت بستهتار :
لا يا حبيبي..شو بتسوي..؟!! بطقني طراق..؟!! ولا تفر علي هالتراب..؟!!


انحنت راسه لجهة اليسار وقال وعيونه يالسه تتحرك بطريقه مب طبيعيه..حتى أني تخرعت.. وقال بصوت غريب :
لا..بس بآكلك..


وفجأه..سمعت صوت الغريب من البعيد يصارخ علي :
مــــــــــــحـــــــــــــــم د...؟!!!!!!!!!!!!!!!


تلفت صوب الغريب..اللي كان واقف من البعيد..يأشر بعصبيه أني آيي صوبه..رفعت إيدي أأشرله ..وكأني ماصدقت انه يا بالوقت المناسب..وقلت له من البعيد..انزين اللحين ياي..
تلفت صوب الياهل عسب أواسيه..بس تفاجأت..أن المكاااااان بكبره محد فيه غيري..
(قلت بخاطري : مستحيل هالمره أكوون أحلم..مستحييييييييل.. )


مشيت بسرعه صوب الغريب وأول ما وقفت أطالعه..سمعته يرمس بعصبيه :
أنت منو قالك ترووووح هالصوووب منووووووو..؟!!
ماتفهم..؟!!
تخيل لو تأخرت..وما ييت..؟!!

التوقيع

أشرت له بكل ارتباك :
أنزين ليش معصب..؟!! لا تصارخ.. ( وأول ما صد الصوب الثاني على أساس يهدي من اعصابه ) كملت له كلامي :
قلت لنفسي..بدال ما ايلس بروحي اتمشى شوي..بس ماتوقعت أشوف هالميانيين اللي هنااااااااااك..؟!!
ما شفتهم..؟!! طلبوا مني آكل تراب..؟!! وشفتهم يآكلون تراب..
ولا هذاك اليهال..وشلون قلب عيونه..؟!!


قاطعني الغريب بصرخه ماتعودتها منه :
محد طلب منك ترووووووووح هناك..تعرف لو ..؟!!


سكت.. لأني صج حاس أني غلطان..بس هم بعد الصدمه والتفاجأ..خلوني اسكت..غصب عني..
لكن أول ماشفته جذي..وبهالحاله..؟!! حسيت ان الموضوع فيه شي..
طالعته وقلت بهدوء:
كمل كلامك يالغريب..لو شو..؟!!


سمعته يتنهد..ويطالع علي..وهو يحاول يجمع اعصابه :
محمد افهمني لمره وحده لأني ما احب أعيد كلامي مليون مره..هالدرب..
( كنا نحن واقفين عند بيته..أشر صوب يسار البيت وكمل ) هالدرب سمعتني مابيك تييه ولو بالغلط..


استغربت منه :
طيب ليش..؟!!

سكت شوي عقبها طالعني :
محمد هني غير هـــــــــناك..وحياتي غير حياتك..وقوانيني غير قوانينك..
دخيلك افهم علي..التزم بقواعدي لو سمحت..
( دش البيت وهو معصب..لحقته..وأول ما وصلنا في نص الصاله )
قلت له :
أوكي ما بسير بس بشرط..أكيد انت شفت اللي شفته..اريد اعرف..شو السالفه..؟!!


طالعني بنظره حاده :
ماعرف.. عن شو ترمس بالضبط..؟!!

التوقيع

تجدمت صوبه.. :
اتحداك أنك ما تعرف عن قصدي..إلا تعرف وتعرف..واللحين ابي اعرف
وإذا ماكنت تعرف..؟!! عيل من شو معصب حضرتك..؟!!



نزل عينه عالأرض وهو يتنهد بقهر..وعقبها.. مشى لصوب غرفته وهو يقول بأسلوب حاد :
شكلك بتخيب ظني فيك يا محمد..للأسف شكلي غامرت خطا..بخطا..
( عقب ما سمعت اللي قاله..سكت..وشوي سمعته يصك باب غرفته من وراه.. بكل عصبيه حزتها لمت عمري على اسلوبي الماصخ اللي عاملت الغريب فيه..
دشيت غرفتي وأخذت افكر ..وأراجع نفسي على احداث هاليوم )

****************************** **************

التوقيع

في صباح هاليوم..الثاني..
نشيت من وقت..ويلست في الصاله..انطر الغريب يظهر من غرفته..لكني تفاجأت أنه ظهر من الغرفه اللي طلب مني ما ادشها..
وأول ما شافني..صخ مكانه..عقبها مشى وتجدم مني..وهو ملتزم السكوت..
ويلس بعيد عني..


كنت حاس اني غلطت بحقه.. فبتديت الكلام :
أنت زعلان..؟!!


طالع علي..ورد بأسلوب كله جديه:
ليش ازعل..؟!! ماحيدك سويت شي يزعل ولا شرايك..؟!!


( فهمت من اسلوبه أنه زعلان ميه بالميه ) كملت :
شفت انت زعلان واكبر دليل..اسلوبك معاي..( وكملت كلامي وعقب ما وقفت وتجدمت صوبه ) اسمعني يالغريب..مب قصدي اضايجك..ولا ابيك..تزعل مني بيوم..لكن اللي شفته امس مب هين..
اكون في مكان..وفجأه..اللي كانوا معاي ما ألاقيهم..صدقني بستخف..
ولا بعد..
يآكلون تراب..؟!!
أنت تعرف واحد منهم شو قالي؟؟! قالي لو ماكليت هالتراب بآكلك..؟!!
ولما شفت عيونه تتقلب..عرفت انه مب طبيعي..



أشر صوبي..وهو يحاول أن العصبيه ما تبان في نبرته..لكن الغضب اللي بداخله..انفضح بأسلوبه :
ليش تبرر لي..خلاص انسى الموضوع حصل خير..


ابتسمت ابتسامه عريضه :
عيل اثبت حسن نيتك..وأنك مب زعلان..


سكت شوي عقبها.. قال :
بثبتلك..والدليل بعزمك اليوم..وبسير اييب لك أكل ما بتنساه أبد..


هني ضحكت وقلت :
خلاص عيل غداي اليوم على حسابك ...

وقف وهو يأشر صوب الباب الخارجي :
اللحين أنا بظهر..عندي مشاوير لازم اقضيها..وعقب بييب معاي الغدا أوكي..؟!!
بس يا محمد..إياني واياك..تدخل بشي ما يخصك..
أو تظهر برع هالبيت سمعتني؟؟!!


قلت له..وأنا الفضوووووول بداخلي :
أفا عليك تطمن..ما بتحرك من هالبيت إلا حزت الصلاة..

التوقيع