( سكت شوي..وعقبها راح الغريب يقضي مشاويره..حزتها شفت عمري فاضي .. قمت من مكاني ورحت ارتب بالخزانه اللي موجوده بالمطبخ.. وشوي شفت حد يمشي .. تركت اللي بإيدي ووقفت اشوف منو..
وأول ما كنت بظهر..شفت ولد صغير يطالع علي..هني استغربت ) :
منو أنت..؟!! وشلون دشيت..؟!!


أشر لي صوب الباب وقال:
لقيت الباب مبطل ودشيت..


( قلت بخاطري : أكيد الغريب نساه مبطل ..تجدمت منه ويلست وياه عالحسير اللي بالصاله ..وأخذ يسولف معاي..وعرفني عن اسمه وعقبها تذكرت سالفة الولد اللي كان يبكي أمس..قلت بخاطري بستغل الفرصه وبسأله عن الولد اللي كان يصيح أكيد عيال حاره وحده..وبيعرف السبب ) قلت بحنيه :
اقول مهند..امس في واحد صغير..كله يالس يصيح..( وأول ماكنت بوصف شكله قاطعني )

وقال :
هيه..عرفت اكيد بتسألني ليش يصيح صح..؟!!



استغربت من معرفته السؤال قبل لا اقوله :
شاطر حبيبي..بس وشلون عرفت..؟!!


قال بكل جرأه :
لأنك مب أول واحد يسأل عنه..هذا يصيح لأن اهله ماتوا..من 30 سنه
ولا مره راح بعيد عن البيت..من يوم ما صار اللي صار..


عقب اللي سمعته قلت له وأنا أحاول اركز :
من 30 سنه..؟!! شو تتمصخر انت..؟!!
انت تعرف لو ماتوا أهله من 30 سنه..يعني عمره كبير..مب صغير


أشر بإيده بدون اهتمام :
إذا ماتصدق اسأله..حتى أن أهله ماتوا على إيد أحد المشايخ اللي عالجوا البنت اللي هم سكنوها..

( وقفت أطالعه بستغراب : شو..؟!! )

ابتسم وهو يرد علي :
صج.. أنت ما شفته أمس ليش يقولك بتآكل التراب ولا بيآكلك..؟!!
يبا ينتقم..


قلت بخاطري : ياهل وما يفهم اللي يقوله .. طالعته وأنا ارد على كلامه :
لاحول ولا قوة إلا بالله..أن لله وإن إليه راجعون..

التوقيع

( شفت اللي خلا شعر جسمي يوقف..اختفى الولد..بدون أي مقدمات ولا كأنه كان موجود بالمره ..غمضت عيني وبطلتها بسرعه قلت يمكن يتهيألي..وبعده موجود..لكن للأسف..بالفعل اختفى مهند..حزتها رحت صوب غرفتي ركض..والحيره مزدحمه براسي .. ماكنت مصدق اللي شفته بعيوني الثنتين..وإذا قلت للغريب ما بيصدقني..وإذا ماقلت له اكيد بستخف

كنت يالس في غرفتي إلين ما سمعت صوت الغريب يطق الباب بقو..ظهرت من الغرفه ورحت صوب الصاله..وأول ما قلت : منو..؟!! )
سمعت صوت الغريب يقولي :
بطل الباب..وخذ اللي بإيدي..بسرعه


رديت عليه:
حرك الباب تراه مفتوح..


شفته يحرك قبضة الباب ..بس ما تبطل ..عقبها قال:
محمد الباب مصكوك..وأنا مب ماخذ معاي المفتاح..نسيته بغرفتي بسرعه بطل..


تجدمت..صوب الباب..وانصدمت أن الباب صج كان مصكوك بالمفتاح ومن داخل البيت ( وهني فكرت بكلام مهند..بأنه دش البيت لما لقى الباب مفتوح.. ) بطلت الباب..وساعدت الغريب..بالأغراض..وأول ماصك الباب من وراه..ويلس عالحسير يطالع علي ..أشر صوبي وقال :
شو بلاك..؟!! ليش ويهك اصفر..؟!!


ابتسمت غصب عني :
لا ولا شي..شو بلاك بتخليه اصفر غصب ..؟!!


طالعني بنظرة شك :
أنت ظهرت برع البيت..؟!!


قلت له بتأكيد :
لاحشى ماظهرت..المهم شو يبت معاك..؟!!



ضحك الغريب اللي تجدم صوبي وعطاني كيس وقال :
خذ هالكيس..يبت لك نصيبك من العزيمه..تروم تآكل..


أشرت له:
وأنت..؟!!


طالعني بثقه :
شنو على بالك..؟!! بغديك ولا بتغدا..؟!! خخخخخخخخخخ

( كمل وهو يوقف ..ويآخذ الكيس الثاني ) المهم..كل غداك وين ماتبا..وأنا بسير على غرفتي بآكل على راحتي وبريح..أوكي..؟!!


( كان بالي مب مع الغريب.. كنت مشغول بسالفة مهند اللي بتشيب راسي ) أشرت للغريب :
خذ راحتك..


وقف الغريب وكأنه تذكر شي.. وقال وهو يأشر صوبي بإيده اليمين :
اليوم معزوم على عرس ..وباخذك معاي شو قلت..؟!!


( هني استانست.. وتجاهلت سالفة مهند لثواني وقلت بخاطري فرصه..أكيد الغريب بيكشخ وبشوف ويهه أخيراً.. ) قلت له والفرح باين بصوتي :
انزين..


وأول ما سمع موافقتي..عطاني ظهره وراح الغريب لغرفته..دشيت غرفتي وأخذت افكر لين تعبت عقبها بطلت الكيس وأخذت اتغدا من الأكل اللي عزمني عليه الغريب..

****************************** ***************

التوقيع

(( الغريب ))

عقب ما ريحت بغرفتي شوي..ظهرت منها عقب المغرب..وشفت محمد يالس في الصاله..وهو كاشخ..
بس تغير ويهه لما شافني لابس لبسي المعتاد بس بألوان ثانيه..وقال :
لايكون بتسير بهالبس..؟!!

طالعت على لبسي وضحكت :
ليش شو بلاه لبسي ..؟!!

تنهد..وهو يتجدم صوب الباب :
لا ولا شي..سلامتك..

( ظهرنا من البيت..وأول ما وقفنا عند الباب الخارجي في الحوش.. ) سألني محمد :
وشلون بنسير..؟!!


مشيت جدامه..وقلت له وأنا معطيه ظهري وأمشي :
أكيد مشي..أنا ماعندي سياره..


تجدم صوبي وقال وهو معصب :
ليش ماقلت ماعندك سياره..؟!! عالأقل كنت يبت سيارتي..


ضحكت عليه وقلت بستهتار :
امش وانت ساكت.. ( وتذكرت اني ما حذرت محمد على هالعرس.. طالعته ووقفت في مكاني ) محمد ابيك من أول مانوصل لاتقول ولا كلمه..كون سااااااااااكت إلين ما نرجع..إياني واياك..تتكلم بحرف واحد..


عقد حيابينه وكأن كلامي ماعيبه :
شو..؟!! ليش ..؟!!


كلمته بجديه أكثر :
محمد..إذا بتبدأ بموالك المعتاد..ليش..؟!! وليش..؟!! ترانا بنص الدرب..بعدنا فيها..خلنا نرد عالبيت..وبلا هالعرس..


ابتسم وأشر بهدوء :
بس خلاص..امش..حشى محد يروم يقولك ثلث الثلاثه كم..المهم تطمن..
ما ببطل حلجي ولا بكلمه وحده..


****************************** ****************

التوقيع

(( محمد ))

مشيت ويالغريب صوب العرس..وتفاجأت..بالشايب اللي كان يركض ورى غازي..واللي هو نفسه من كان بالكافتريا..تجدم صوبنا..وطالعني بنظره..
عقبها طالع عالغريب.. وتفاجأت بصوت غريب..يظهر من الغريب ..وكأن الصوت مب صوته..
وقفت في مكاني.. عقب ما راح الشايب.. وقلت للغريب :
منو هذا ..؟!! أنت تعرفه..؟!!

قال اللي ما توقعته :
هيه..اعرفه..من جريب..

رديت أسأله السؤال الثاني:
وشو هالصوت..اللي سويته؟!! ليش ترمس جذي..؟!!


ضحك..عقب ما مشى علشان يكمل الدرب :
محمد..الشي اللي ماتعرفه..أنا شاااااااااااااطر بتقليد الأصوات..واتحداك تكشفني..
( وشوي قلد صوت أخوي سالم ..وهني وقفت مصدووووووم في مكاني ) وقلت :
أفففففففف كأنه صوت أخوي صج..


ضحك وهو يقول:
بعدك ما شفت شي يا محمد..( وأشر صوب مكان..فيه زحمة ناس ) وقال :
هذاك العرس..ولا تنسى أي حد رمسك لا ترد عليه مهما كان السؤال..ابيك تسكت خير شر..سمعت ولا لا..؟!!
وخلك حذاااااااااااي..ولا تتفلسف بأي شي..خل عمرك صنم..ولا تقول شي..


( اتفقت وياه..واول ما وصلنا العرس..دشينا..وبدؤا الكل يسلمون ويضحكون ويرقصون..كان عرس بقمة الروعه..شفت الكل مستانس..إلا الغريب اللي كانت عينه ما وقفت عن مراقبتي ولو للحظه..خوزت عيني من عالغريب..
وأخذت اطالع بالحضور..وعالمعرس اللي كان يرقص مع ربعه..وشفت يهال يركضون ورى بعض..وفجأه..طاح واحد من اليهال اللي كانوا يركضون عند ريولي..هني خلفت وعدي للغريب وقلت بصوت عالي : بسم الله عليك..

وفجأه..صااااااااااااار اللي ماتوقعته..


****************************** *********

التوقيع

..كل شي اختفى..لا ناس..لا عرس ولا شي..بس أنا والغريب..اللي حط ايده على ويهه وغمض عينه مصدوم لأني تكلمت..
تجدمت صوبه..ويودت ايده بقو وقلت :
شو صار..؟!! وين راحوا..؟!!

أشر الغريب بعصبيه.. وهو يتنهد :
خلنا نسير مادامت النفس طيبه عليك..


( كنت ميود ايد الغريب ولأول مره..رغم انها متغطيه بالقفازات كالعاده..إلين ما وصلنا البيت وأول ما دشينا..صوب الصاله .. )
قال بأعصاب متمالكه :
مو قلت لك لا تقول شي..؟!! مو طلبت منك تسكت مهما صار..؟!!
شو اللي خلاك ......( وسكت وهو يطالع علي وكأنه يطلب مني تفسير )


أشرت بستغراب.. :
صدقني ماقلت شي..ولا قلت أي أي أي شي... بس الولد طاح..وبسملت عليه..وطلعت عفوياً.. اريد افهم..شو اللي يصير هني بالضبط..؟!!
بدت الأمور تتلخبط براسي..
ماعدت اعرف الحلم من الواقع.., وأنت حضرتك تعصب وتزعل..
يا شيخ فهمني..؟!!


تجدم مني وأشر بويهي..وهو معصب حده :
أفهمك..؟!! شو افهمك بالضبط..؟!! ماعندي غير أنك خربت كل شي..كل شي..يامحمد..


( هني فقدت اعصابي بويهه ) وقلت وأنا انازع :
أنا اللي خربت..؟!!
شو اللي استوى يالغريب..؟!! أنت على وين خذيتني..؟!!
في أي مصيبه يايبني..؟!! ماعادت اعصابي تتحمل صج..؟!! احس عمري بستخف..وأنت ولا على بالك..


ابتعد عني شوي وهو يحاول انه يكون الجهه الهاديه في هالنزاع :
انت تطلب فوق طاقتي صج فوق طاقتي..ما اروم افسر لك كل شي..

قلت بثقه .. وأنا احاول اقايضه :
أوكي..مابي اعرف منك شي إلا شغله وحده..مهند منو هذا..؟!!


سكت الغريب لفتره عقبها قال:
من وين عرفت هالإسم..؟!!

أشرت صوب ويهه :
اليوم يلس وياي وخبرني على سالفة الولد اللي شفته امس كله يصيح وخبرني ان اهل الولد ماتوا عقب ما قرأ الشيخ..عالبينت اللي هم ساكنينها
وعقب اللي شفته..اليوم بالذات .. اريد اعرف بالضبط أنا وين..؟!!
شو اللي يالس يصير..؟!!
شو هالعرس اللي وديتني له..؟!!
انـــــــــا وين بالضبط..؟!!
شو هالمكان اللي يخرع..؟!!
مستحيـــــــــــــــــــــــــ ـــــــــــــــــل أكون مع بشر مستحيل



انفجر صوت غريب وااااااااايد من جهت الغرفه المجهوله.. :
أهلاً فيك بعالم الجن يا محمد..




****************************** **************

التوقيع

(( الجزء الخامس والثلاثون ))





(( هوية الغريب ))


تلفتت أنا والغريب لجهة الصوت اللي توجه من الغرفه المجهوله.. ( أشرت للغريب بستغراب..عقب ماحسيت ويهي احمر من العصبيه والخرعه بنفس الوقت ) :
من وين هالصوت..؟!!


كان يبا يتهرب من سؤالي.. لكني اصريت عليه وقلت..
وأنا ادعي الشجاعه :
بتقول شنو بالغرفه هذيك ولا أنا ابطلها بنفسي..؟!!


طالعني والحيره..واضحه بعيونه :
محمد بسك عن هالأسئله..تعبتني معاك..


( ما اعرف ليش كنت اتصرف بهالشكل وياه..كنت ابي اطلع كل اللي بقلبي ..كنت ابي اعرف هالمكان الغريب والعجيب شو يكون بالضبط..؟!! ) قلت بأسلوب تحدي :
عيل شوف شو بسوي يالغريب..لازم اكسر باب الغرفه واشوف بنفسي شو فيها..وانت حر


طالعني وقال بهدوء :
منصحك تسوي هالشي..

عصبت من كلام الغريب واتجهت صوب الغرفه بعصبيه..وكل ما أريد اتجدم خطوه
كنت اسمع صوت يقولي:
منصحك وخلك مكانك.. ( قلت بخاطري : أكيد هذي تخيلات.. ) وكملت المشي..


( في بداية الموضوع حسيت بخوف..وارتباك من هالوضع كله.. بس بنفس الوقت لأن الغريب وياي كنت حاس بطمأنينه ..لأني اثق فيه..رغم كتمانه المزعج.. وكنت هم بعد ابي اراويه اني شجاع ..كملت خطواتي وتجدمت وأول ما اريد احط ايدي على قبضة الباب..شفت حرمه كبيره في السن وملامحها تخرع واقفه بيني وبين الباب كحاجز )
وقالت بتهديد :
ما ضريتك فلا تضرني..ولا بتشوووف مني اللي يفقدك عقلك..

التوقيع

ابتعدت عن الباب..ورحت صوب الغريب ركض .. وقلت وأنا متخرع :
أنا وين بالضبط..؟!!


سكت الغريب لفتره..عقبها طالع علي وقال بأسلوب هادي :
أنت بعالم الجن يا محمد..

( أول ما سمعت عالم الجن..ابتعدت عن الغريب لخطوات..حسيت اني مصدووووووم حدي..معقوووول اعز رفيج لي بهالدنيا يستوي من الجن..؟!! معقووووول اكون لهالدرجه غبي..؟!! كنت احاول استوعب الوضع..سالفة العيال اللي يلعبون الكره..وسالفة الولد اللي كان يبكي..وسالفة مهند....والشايب.. والعرس واللحين هالريال اللي وقف بويهي عند الباب.. ) أشرت للغريب وتنهدت :
ليش سويت فيني جذي ..؟!! ليش ماخبرتني من الأول..؟!! ليش غربلت حياتي برباعه مستحيل تدووووم..أنت تعرف أنك الوحيد اللي مادون هالناس كلهم تمنيتك تكون أخوي..من عقب سالم وحروب..؟!!
وثقت فيك..تبعتك بقلب اعمى..لأني تعبت من رباعة المصالح..قلت بخاطري ربي عوضني خير فيك..
كنت اقول بقلبي..ماعليه يامحمد..اصبر..واتبعه..وشوف شو عنده
يمكن الريال طايح بمشاكل..وما يبا يرمس..
كنت متوقع كل شي منك..كل كل شي..بس هالشي بالذات ماتوقعته..
ماتوقعتك تكون من الجن..
قلت بخاطري يمكن يكون انسان غامض..بس فكرة الجن رفضتها..بس علشان مخسرك كأخ..ورفيج..وتاليتها للأسف خسرت..؟!!

أشر صوبي :
عادي..ما يضر..

قلت بتأسف :
لالا يالغريب يضر ونص..ماروم اتقبلك يني.. حشى ما أروم..


سكت في البدايه..عقبها طالع علي من البعيد وقال :
واللحين..؟!! عقب ماعرفت على شو ناوي..؟!!


( كنت حاس العبره خانقتني لدرجة اني نسيت كل شي..خوفني..ووقف شعر جسمي..كنت اواسي نفسي بنفسي وأقول : ماعليه يا محمد..ربك بيعوضك بدال الغريب خير..بس هدي اعصابك ولا تزعل..

التوقيع

رديت على عمري :وشلون مزعل..؟! علقت عليه أمااااااااااااااااااال كبيره..
حتى اني تمنيت اعيش عمري كله معاه..رفيج طيب وحكيم..وحبوب..وماله بالمصالح..شرات الزفت الواطي غازي..تمنيت اشيب وياه .. توقعت الموت هو اللي بيفرق منبينا..واللحين عقب ما طلع يني ..وشلون اتصرف..؟!! وين بلاقي شرات هالغريب..اللحين..؟!! وينــــــــــــــ )


قاطعني صوته اللي متعلق فيه السؤال :
وين وصلت يامحمد..؟!!


طالعته بنظرة كره وحقد.. :
أكرهك يالغريب..واللحين ابي ارد البيت..مابي ايلس ولو للحظه هني..مع انسان..اوووووه..سوووووري اقصد مع يني..كذاااااب قصيص..
عمري ما بسامحك..وماريد اشوف رقعة ويهك..مره ثانيه..سمعتني ولا لا..؟!! ولعنبوها اخوه تيي من صوبك..

أشر من مكانه.. لصوب الدرب :
ما ايودك..هالدرب وجدامك..وتدله..


صرخت بصوت عالي :
ادل الدرب وبسير..بس قبل لا اسير..
ابي اعرف..حرمتي..اللي هي أختك يا استاذ..ينيه شراتك..؟!! صح..؟!!


التزم السكوت..وعقبها رد علي بدون ما يتحرك خطوه :
ولو طلعت ينيه..شو بتفرق وياك..؟!!

حطيت ايدي على راسي..وعقبها قلت بسلوب حاد :
شو بتفرق..؟!!
بتفرق وايد..واااااااااااااايد..يا شيخ..
لأنها لو ينيه..من اللحين بسير عند شيخ..وبخبره بالسالفه..وبلعوزكم..بالقرآن.. شو على بالك..بسكتلك..؟!! لا حشى ماسكت..
بضرك وبضر الكل..سمعتني ولا لا..؟!!



أشر بإيده اليمين وهو يطالع عالأرض :
تطمن..قصايد من الأنس..وما يحتاي هالعصبيه كلها..


( التزمت السكوت..لأن صدمتي اكبر من اني اسوي شي.. ) شوي..سمعت الغريب يسأل :
وشو وضع قصايد اللحين..؟!! بطلقها..؟!!


نظرته بنظرة تحسر..أول ماحط عينه بعيني :
مب نذل علشان اطلقها..وهي مالها ذنب باللي انت تسويه..بس اريد اعرف..ليش ييتني أنا ليش..؟!! ليش أنا مادون هالعالم كله..؟!!
ليش لزمتني بقصايد..؟!!
ابي اعرف شو اللي يمعك فيها..؟!! أو شو يخليني اصدقك عقب هالكذبه العووووووده..؟!!

التوقيع

تجدم مني وقال :
واللحين..؟!!


صرخت بويهه :
ابي ارجع البيت..

قال بجديه وهو يمشي بعيد عني شوي :
تفضل..تروم تروح..ما يودتك يامحمد..ولا بمنعك..أنت بنفسك اللي قلت تبا تتعرف علي عن قرب..وأنت اللي ألحيت واصريت تيي معاي وتشوف عالمي ومكاني..وماقصيت عليك..يبتك..وهذا هو الوضع اللي أنا فيه..


صرخت وأنا امشي وراه :
وقصايد..؟!!

وقفت وتلفت صوبي وطالعني :
قصايد..مب بإيدها أي شي..هي ملزومه بأشياء وايده..غصب عنها..

أشرت بكل عصبيه :
وأنا شو ذنبي..؟!! ليش أنا بالذااااات..؟!! شو السبب..؟!!

صد ويهه للجهه الثانيه وعطاني ظهره:
سؤالك في غير محله يامحمد..ما اروم اجاوبك اللحين..بس تطمن..
تروم ترد البيت..ولا تحاتي محد منهم بيجرب منك..
وأنت تعرفني أوفي بوعودي..

( في البداية رفضت اصدقه ) :
وشو اللي يخليني اثق فيك..؟!!

طالعني بستغراب وثقه..بنفس الوقت :
لأن عمري ما كذبت عليك..ولو بإيدي كنت وضحت لك كل شي وخلصت هالموضوع..بكبره..
وياليت يريحك اللي بقوله..!!
تعرف أن هالجن اللي هني كلهم جن صالحين..ما بيضروك لو ما ضريتهم..


صرخت بويهه :
تشب أنت كذاب..ولا تحاول تقنعني ايلس عندك ولو لثانيه..حشى تباني استخف..صح..؟!!


تجدم مني اكثر ..وهو يقول :
خذني على قد عقلي يا محمد..وصدقني لا بتندم ولا بندم..ايلس وطاوعني..؟!!

رفعت اصبعي وأشرت بالرفض :
لا..مابي آخذك على قد عقلك..خذني أنا على قد عقلي..هالمره..جاوبني..
أنت منو يالغريب..؟!! ولا اللحين اظهر من هالمكان بكبره واللي يصير يصير..

التوقيع

سكت في البدايه..لكن اصراري..وعنادي جبروه يرد علي :
مب مشكله يا محمد..الدرب وتدله وعلى راحتك..ما اجبرك تكون هني..
وما احب حد يمن علي بشغله..من يا بكيفه يروح بكيفه..
صج تعبت..


( هني عصبت اكثر عن قبل.. حسيت ان وجودي ورحيلي كله واحد بعينه..رحت لغرفتي وأنا مرتبك..لأن الحقيقه المره شي يديد علي..وخذيت كل اغراضي ..وأنا مفووووووووول حدي منه ..ولما طفت في الصاله..توقعت اشوف الغريب..لكن خابت كل ظنوني..المكان كان فاضي..طنشت..وتجاهلت كل شي..وظهرت برع البيت.. وكل ما ابتعد..اتلفت واطالع على بيت الغريب مره ثانيه..إلين مختفى عن عيوني البيت من بعد المسافه..يلست عالأرض وبديت اتلوم على اللي سويته فيه..
كنت مابين اني على حق وهو غلطان ..؟!!! وما بين الندم أني تركته بهالشكل وهالأسلوب ..!! )


إلين ما سمعت..صوت يقولي :
خذها نصيحه مني وارجع من ويين ما ييت..لأنك لو رديت لبيتك ما بتشوف الغريب مره ثانيه مهما صار..وإذا رديت لبيت الغريب..ماتعرف شو اللي بيطلع معاك



وقفت بسرعه..وحركت الكاشف اللي كان بإيدي على كل الجهات..
كان الظلام محيط بالمكان..قمت وتشبثت بجنطتي بكل قوه..وسويت عمري مب خايف..ووجهت كلامي للصوت اللي كنت اسمعه :
ان كنت ريال خلني اشوفك..


(عقب ماعرفت اني بعالم الجن..ما اظن برد بيت أهلي وأنا عاقل..
طالعت على اليمين واليسار..وأول ما تلفت وراي شفت رفيج الغريب واقف وراي..وخرعني .. )

حزتها صرخت بويهه وأنا حاط ايدي على قلبي :
يا ريال هذا أنت..؟! عيل زين وقفت عليك خفت.. أقصد توقعتك الغريب..


خوز الكاشف اللي كان نوره مصوب على ويهه..للصوب الثاني..وأشر صوب بيت الغريب :
رد لبيت الغريب..وأنا برابعك طول الدرب..


عقدت حيابيني :
ليش ارد..؟!! الغريب ما يحتاي لحد.. مغرور شايف عمره..
أنت تعرف انه يني..؟!! تعرف انه قص علي..؟!!

طالعني بنظرة غضب :
محمد..عن هالرمسه المخبقه..أنت تحكم عليه وماتعرف شنهي ظروفه ليش؟؟! مشكلتك..تحكم على طول..إذا ما عاشرته لا تحكم عليه..

التوقيع