.!{ X-MAN }!.

( التزمت السكوت في بداية الأمر..ومشيت وأنا أأشر له ) :
بس مالي ويه أرد عنده..


أشر رفيج الغريب صوب الدرب اللي يودينا لبيت الغريب وقال بكل ثقه :
لا تحاتي صدقني ما بيفتح معاك الموضوع..


شكيت بالموضوع وسألته :
هو اللي قالك تتبعني..؟!!


هز راسه بثقة كامله :
أكيـــــــد لا..لحقتك بنفسي..
والمهم ( ومشى ) خلنا نسير وبخبرك بأشياء وخلها بيني وبينك لا يعرف الغريب اني قلت لك..عنها شي..


( هني استانست وبطلت حلجي ..وقلت على تعبي طوووول هالوقت ويا..الغريب لازم عالأقل اعرف اللي يريحني ..ولا ما بيستوي خير ) طالعت رفيجه :
حلو..أوكي..بس تجاوبني على كل شي..

قال بدون مايلتفت صوبي:
إذا قدرت مب مشكله..


وأول ما بدينا المشي قلت له :
اريد اعرف كل شي عنه..قوول وكلمة ريال ماخبره اني عرفت شي..
تعرف أني انصدمت أنه من الجن..؟!!
قهر..
ياليت غازي يني ولا هو..


طالعني بنظره:
ليش شو بلاهم الجن...؟!!

ضحكت وعلقت على كلامه..وأنا حاضن جنطتي لصدري :
شو بلاهم..؟!! انت تعرف انهم ضروا معظم البشر ولا لا..؟!!
نص الأمراض اللي في البشر منهم..
اللي مسحور..واللي ملتبس..واللي واللي واللي...


قال وهو يأشر بإيده اليمين ويطالع عليها :
شوف ايدي..اصابعها سوى..؟!! نفس الطول متشابهه..؟!!


وقفت شوي ودققت ..عقب طالعته :
شو تستهبل أنت..؟!! قلت يمكن انت غير عن باجي الخلايق..واصابعك متشابهه..
المهم..لا مب متشابهه


قال اللي ماتوقعت منه :
الأنس والجن..جذي يا محمد..مب متشابهين..ومب كلكم متشابهين ولا كل الجن متشابهين..
هالعالمين مختلفين..ومتشابهين بنفس الوقت ولكل عالم إيجابياته وسلبياته..
ولو فكرت بكلامي شوي..
منو يلجأ للسحر..؟!! ساحر..والساحر من البشر..صح ولا لا..؟!! واللي يخدم هالسحر من الجن..
يعني لو حسبتها..بتظهر الحسبه وحده..مافي اختلاف..
فيكم الصالح وفيكم الطالح..وحتى الجن..فيهم الصالح وفيهم الطالح..
انتوا فيكم اللي يجدم الخير..ويبعد عن الشر..وهم بعد الجن الصالحين..يساعدون ما يضرون..
ولو كانوا كلهم..يضرون..؟!! ما كان سيدنا سليمان..استخدمهم..في حمل عرش ملكة سبأ..؟!!
المهم..بلا ما ادش بتفاصيل..اللي ابيك تفهمه..لا البشر ولا الجن معصومين عن الخطأ..ولكل عالم..اسراره..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( انصدمت من رده..اللي كان مقنع..لكن نظرة الجن مستحيل تتغير في عين البشر.. عقب ما سكتني برده القوي..والمقنع.. )

سمعته يضحك وهو يطالع عالدرب :
لا تحكم على اللي ماتعرفه..

( وكمل كلامه وهو يطالع علي ) وعرفت انك تزوجت أخته قصايد صح؟؟!

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( أول ما تذكرت شكلها لاعت جبدي .. وقلت بخاطري : ياليتها هي الينيه مب الغريب..عالأقل الغريب اعتمد عليه في وقت الضيجه..صج ظهر وينسد به مب هذي اللهم ياكافي البلا ) وطالعته وأنا كاره الموضوع :
هيه..بس بسألك..ليش يعني أنا بالذات عرض علي اتزوجها..؟!!
شي غريب صراحه..؟!! والمشكله..انه ماعطاني وقت..غامرت بكل شي..تعرف هالشي ولا لا..؟!!
أنت تعرف ان شرات هالزواج وبهالطريقه مستحيله..؟!!

رد علي بجواب ماتوقعته :
اعرف انك غامرت..بس الغريب غامر اكثر عنك..ابوااااااااايد..
ومنو قالك أنك انت الوحيد اللي تزوج بهالشكل..؟!!
اعرف واحد..قبل ليلة عرسه بيوم..استوت مشاكل وطلق حرمته.. ورغم المحاولات علشان ينجحون هالعرس إلا كل المحاولات فشلت..وتصدق..
انه حاااااس واحتار وشلون ينقذ سمعت هالزواج..
تعرف وشلون تصرف..؟!!

عطيته كل اهتمامي :
لا ماعرف وشلون..؟!!


راح لحد من جماعتهم..وطلب ايد البنت..والبنت مب متجهزه أبد للعرس تتوقع..شو سوت..؟!!
بتصدق انها وافقت..وملجة عليه..في صباح اليوم الثاني..وبنفس هاليوم..
راحت وحجزت فستان..وراحت للصالون..المهم..
تزوجت ..والعرس استوى بأكمل ويه..ولو تصدق أن هالعرس وشلون نجح ما بتصدق..صج..عايشين للحين بأحسن ما تتوقع..
البيوت أســـــــرار..ومب كل الزيجات نجحت..ولا كلها فشلت..في منها مشت بشكل طبيعي..؟؟
وفي منها مشى بشكل اغرب من الخيال..ويمكن اغرب عن زواجتك منها..


كمل كلامه وهو يطالعني :
انت مرتاح معاها..ولا لا..؟!!

( قلت بخاطري : صج مب حلوه..ومستحيل تتشاهد ولو بالغلط..؟!! اممممم وصح ما اتخيلها عروس ..والله يعين الثوب الأبيض عليها..مادريت اني بنعمه..زين اني انسان ولا فستان..ولا ابتلشت..اكثر..شكلها ضد طباعها..رغم دفاشتها..إلا اني ..... )


قطع تفكيري صوته وهو يكمل كلامه :
مب ضروري تجاوبني..بس بخبرك بسر..
ترى الغريب..اهتم بقصايد بشكل ما تتوقعه..أنت..
هي مرت بظروف صج صعبه..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( قلت بخاطري : أكيد عسب جذي هي مب حلووووه..؟!! بس شو خص الظروف بجمالها..؟!! رديت على عمري : يمكن ما تغذت صح.. اووهوووووووو بلا هالغباء خليني اسمع الريال احسن عن هالرمسه المخبقه ) طالعته وهو يكمل كلامه..بجديه..

أهلها ماتوا بحادث مأساوي..وهي انتقلت للميتم..
وطبعاً..بسبب قوانين الميتم..والمشكله مب هني..كانت المشكله الكبيره تكمن..
في المسؤول عن الميتم واللي يديره لأنه كان يتبنى أي بنت..عمرها ما بين 11 و 12 سنه وبعدها تختفي هالبنت ومستحيل تعرف عنها شي..
كان في عامل..يشتغل بهالميتم..
فعرض خدمته عليها..بما أنها يديده.. وقال لها..بظهرج من هني لبيت كبير وعند عايله..يعني رسم لها حياة طبيعيه تتمناها أي يتيمه بعمرها..
ووافقت على كل اللي قاله..ولصغر سنها..تكتمت عن الموضوع..
ولاحد عرف عن السالفه إلين يا ذاك اليوم..اللي قبل لا توصل أوراق قصايد..صوب المكتب هالمسؤول..
سرق الأوراق وكل شي..وزورها..حت يتمكن من ترتيب الأمور..وصج رتب كل شي بسرعه..وغير إسم قصايد لإسم ولد..عقب ما حلق شعرها..
وخلى ملامحها وكل شي لهيئة ريال..وعاشت يومين في الميتم..والكل يحسبها ولد..
ولما يا الوقت المحدد..قام في نص الليل ..واستغل مكانته بهالميتم..
وبكل حيله..هربها من المكان..ويابها لهالمكان اللي انت شايفه اللحين..

( استغربت من هالصدمه..قلت أكيد علشان جذي هي مب حلوه..؟!! ) وقلت له بسرعه :
كمل كمل..

قال وهو يطالع عالدرب :
وأول ما وصلت قصايد هني اكتشفت انها في ضمن مؤامره ..لأنها طاحت في فخ ساحر..له طقوس وطقوس..
وحبسها في غرفه مظلمه محد يعرف عنها شي لمدة ثلاثة أيام..وكان ينجس هالغرفه بالنجاسات..حتى تتمكن الشياطين والمرده بالتواجد لما بيمارس هالطقوس..
وحزتها بيذبحها كطلب رضا للشياطين..
ولما يا الوقت المحدد ..قام هالساحر بذبح خروف ورش سطل الدم..عليها وهي مربوطه بالحبل..كانت مابين البكا..والصراخ..وطلب المساعده.. وقبله بيوم رش الدم جدام الغرفه على اساس انها مكان الأضحيه..

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

( وأنا متعمق بحكاية الغريب اللي صج كانت اشبه بقصه من قصص الخيال ..قطع علينا السوالف للأسف..صوت الغريب وهو متجدم صوبي )

حزتها طالع علي رفيج الغريب وقالنا :
عيل اترخص..وصلتك شرات ما طلبت مني..


( فهمت من حركة رفيج الغريب .. انه ما يبي الغريب يعرف انه هو اللي طلب مني ارجع..صد وراح..وأنا بموت من القهر لأنه ما كمل السالفه..كنت كل مره اقول اللحين بعرف ليش هي مب حلوه..؟!! بس صج يا كبر همي..!!!! المفروض اهتم بسالفة الغريب مب السبب اللي خلى قصايد شينه.. )

( تجدم مني الغريب وطالعني بنظره غريبه..ودار السكوت مابيني وبينه..وعقبها كسر هالصمت..وهو يأشر صوب بيته اللي كنت واقف جدامه تقريباً ) وقال :
تفضل خلنا نرد البيت..


( التزمت السكوت وأخذت افكر بكلام رفيج الغريب ..اللي صج غريب ..وكان همي الأول والأخير..وشلون ممكن اشوف رفيجه حتى يكمل السالفه..االموضوع فيه سحر وينانوه..وطقوووووس ويل حالي..؟!! ياخوفي انأكل وأنا راقد..؟!! ولا اتحول ليني..؟!! ضحكت على افكاري وقلت لنفسي : صج ماغلط سليم الئيم يوم قال اني طفس..حتى افكاري طفسه.. بس ما اقول غير الله يعين عاللي ياي )

****************************** ***************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.!{ X-MAN }!.

(( الغريب ))

عقب ما مرت أيام على آخر موقف استوى بيني وبين محمد..كنت افضل اني انعزل عنه..
واتفادى حتى ايلس معاه وفي يوم..ظهرت من غرفتي وشفت محمد يالس في الصاله..وأول ما شافني وقف بسرعه وتجدم مني :
أقول شو رايك اليوم نظهر صوب البحر نتمشى شرات قبل؟؟!



طالعته وأنا اعرف انه يبا يسوي أي شي مقابل ترد المياه لمجاريها..وجهت كلامي وأنا اطالع على القفاز :
كان ودي..بس اسمحلي مضطر اللحين اسير لمشوار ضروري..بس اللي بطلبه منك ياليت تيلس في البيت وما تظهر لأي مكان ممكن...؟!!


وأول ما طالعت عليه..شفته يبتسم وهو يرمس بكل ذرابه :
أفا عليك ولا يهمك..تروم تروح وانت مطمن..وأوعدك صج أني ما اظهر..
أصلاً أنا مينون اسير على مكان غير هني وبدونك..؟!!
تباني استخف..؟!!


( وأول ما عطيته ظهري عسب اظهر من البيت سمعته يسألني بصوت عالي ) :
أقول يالغريب..؟!!


وقفت في مكاني وتلفت وراي وطالعته :
هلا آمر..


تجدم صوبي :
ما يآمر عليك عدو..بس شو رايك تخلينا نآخذ جوله في عالم الجن الصالحين..مابي الفاسدين..تراهم يآكلون..ومافيني حد يآكلني..
تراه وراي عرس..


( ضحكت في خاطري من اسلوبه..وقلت بخاطري ..ماهمه غير عرسه..يعني لو ماكان بيعرس عادي يآكلوه خخخخخخخ ) أشرت له وكأني مب مهتم كثير :
يحصل خير..لما ارجع بنتفاهم..


سكت في البدايه ونزل عينه عالأرض عقبها رفع راسه وطالعني وهو مبتسم :
انزين شو رايك تعزمني في مطعم من مطاعمكم..؟!! بس المهم ما تأكلني لحم بشر..


أشرت له ..وأنا اريد افهمه اني عصبت عليه :
نحن ما نآكل البشر..وبالذات الصالحين..وإذا طفرت بي زود..اللحين بغلفك شرات الهديه..وبفرك عند أول باب يني يآكل البشر واخلص منك ومن حشرتك..بتسكت ولا لا..؟!!

رفع يدينه وهو يبتعد عني :
لالا..سير يا ريال..قلت لك اعزمني..مب تعزمهم علي..سير سير..
لا تآكلني انت عقب..ما ترزى علي هالعزيمه..

صد محمد..وعطاني ظهره..وسمعته يقول بصوت خفيف :
ماعرفت قديرك يا سالم إلا لما جربت غيرك..صج كنت نذل وماتعزمني إلا بالمذله وطلووووع الروح..وتتناذل..
لكنك هين عالأقل..ما بتآكلني ولا بتعزم حد يآكلني.. مب الغريب..يبا ربعه يآكلوني..

( ضحكت..في خاطري..وظهرت من البيت ..بدون ما أعلق عليه ولا على كلامه..وسويت نفسي ما سمعت من اللي قاله..لكني كنت حاط في راسي أني لازم اخلص كل شي قبل لا يرد محمد لبيته.. )


****************************** ***************

التوقيع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

انطونيو

الله يعطيك العافيه

على الموضوع الراقي

وأسلوبك المميز

وشكراااا