 |  |
| | |
 |  |
| |||||||
 |  |
| [ منتدى الأسرة و الطفل ] كل مايخص التعامل مع الأسرة والطفل |
 |
| | LinkBack | أدوات الموضوع | إبحث في الموضوع | انواع عرض الموضوع |
| #1 (permalink) | ||||||||||||||||
| ღ مـراقـبـه عـامـه ღ  
المستوى: 49 [
 |  شوفوا... اشلون؟!27-Oct-2007, 04:40 PM بسم الله الرحمن الرحيم شوفوا... اشلون؟! • شوفوا يا اعيالي.. تدرون ليش أنا يايبكم اليوم له السوق ؟ - يبا... هالسوق مو حلو. • أنا قاعد أسألكم... تدرون ليش أنا يايبكم اليوم له السوق ؟ - لأ... ماندري. • علشان أطبق اليوم معاكم نصايح الدكاترة اللي يقولون صاحبوا اعيالكم لا اكبروا... وفتحوا قلبكم لبعض. • وناسه... يالله يبا قول اللي بقلبك. - انتوا تدرون اني توني ياي من السفر... وانا كنت رايح للعلاج مو للسياحه. • بس امي تقول... تقص علينا - أمك هذي شكاكه من عرفتها وأنا وديتكم البحرين قبل ما سافر يعني ماقصرت... وكل ما دقيت عليها قامت اتصرخ أذوني اعيالك... ليش ماتحترمون نفسكم يعني ؟ • يبا هذا فروس كله يطقنا ويأذي أمي - جذابين يبا صدقني... أُهُم اللي يتحرشون... ويجذبون على أمي • أنا أستغرب... قاعد أشوف هالناس اللي عايشين ابديرتنا ما عندهم مشاكل مثلكم وعوار راس... كلهم عندهم اعيال بس مايسوون مثلكم !! - اشدراك يبا ؟ • الحين أوريكم... وتشوفون بعيونكم عدل... - أهاااا !!!! • شوفوا هالهندي اللي يمشي هناك... ومعاه اعياله - اشفيهم يبا • شوفوا اعياله شحليلهم كل واحد لابس هالنعال الزنوبه وهالبنجابي ومفتخر بلبسه الوطني... مو انتوا كل واحد يقلد هالفنانين الأجانب اللي حتى الناس اللي بديرتهم يعيبون عليهم... وماتبون الا ماركه وهالموديلات اللي مادري اشلون صايره • بس يبا حتى أبوهم لابس مثلهم... وانت بعد ماتلبس دشداشه... مو اهي من لبسنا الوطني؟!! - انا البس الدشداشه بالعيد بعد شنو؟!!... عموماً خلكم عنه • على راحتك يبا!! - انزين... شوفوا هالمصري ذاك اللي مع مرته واعياله • اشفيهم يبا - طالعوا اشلون الأخو ماسك اخته ويكلمها بأدب... شوفوا ولدهم الوسطي شايل الأغراض مع أبوه... مو انتوا... كل واحد منكم يتحرش بالثاني جنه عدوه مو أخوه... ومايهمه الا نفسه لا تساعدون بعض ولا حتى تتفاهمون! • يبا... شوف أبوهم... شال الولد الصغير اللي يبجي... قاعد يسكته... وامهم تتسوق على راحتها - لو شنو ما أسوي آنا جذيه... ما عنده سالفه !! لا تطالعونه. • ان شاء الله يبا!! - عيل... طالعوا هالسوري اللي واقف عند محل الحلويات مع عايلته اشلون اعياله ساكتين ومالهم صوت ويمشون معاه باحترام ولا واحد منهم طلب 100 فلس... مو انتوا فاكين احلوجكم ليل نهار حنه على هالفلوس... وما تشبعون • يبا... يبا... طافك ابوهم... قاعد يعطي زوجته بطاقة السحب وهو يضحك. - من صجه؟!... مالنا شغل فيه!!... لا تطالعونه. • على راحتك يبا!! - مممم... اي... لقيته...! شوفوا هاللبناني اللي يمشي ذاك الصوب مع زوجته واعياله... كل واحد ماسك ايد الثاني ويسولفون بهدوء... مو انتوا من دخلتوا السوق وكل واحد موعاجبه شي ويتحلطم. • يبا... شوف ابسرعه... شوف ابوهم يوم طلع من السوق فتح باب السياره حق مرته. - هاا !!... كيفه... كيفه ماعلين منه !!... ديروا بالكم تقلدونه! • القول قولك يايبا... والشور شورك يا يبا! - أهاا... هذا اللي كنت ادوره !!... شوفوا ياعيالي... هالاميركي ويا عايلته قاعدين بالكافيه يشربون الكابتشينو ومالهم حس... مو انتوا... جان تارسين الطاوله بلعه وكل واحد يتخانق مع الثاني • يباااا الحق شوووف.... الأميركي قاعد يعطي ولده الصغير رضعته هههههه - شنووو؟؟!!... حده ماكو شغل !... هذا اللي يقول يبي يكحلها عماها! أقول... ياعيال امشوا نروح سوق شرق احسن لنا !! ........ شي ما شفتوه: - شوفوا ياعيالي... الكويتي اللي اهناك مع مرته واعياله • اشفيهم يبا...؟ - خلونا جذيه على طبيعتنا... أبرك...!! للحب معروف من مقالات جريدة الرأي العام الكويتيه تكتبها: أنــوار التنــيب : أحد الآباء أحب أن يطبق بعض النصائح التي يسمعها من بعض المهتمين بالشؤون الأسرية على أبنائهم فأخذهم لرحلة الى احد الأسواق... | |||||||||||||||
 |
| #2 (permalink) | |||||||||||||||||
| ღغلآ له مكانتهღ  
المستوى: 40 [
|  27-Oct-2007, 05:25 PM ههههههـ لاحول ولا قوة الا بالله العلي العظيم اكيد هذا الشبل من ذاك الأسد خيتوو ومن شابه اباه فماظلم الله يهدي الجميع يارب شكرا لــكـ ِ غاليتي تقبلي مروري ملـــوـوـوكـــهـ | ||||||||||||||||
| |
| #3 (permalink) | ||||||||||||||||
| ღ مـراقـبـه عـامـه ღ
المستوى: 49 [
| 27-Oct-2007, 05:56 PM شكرا على المرور الرائع وحلو التعليق وجميل الحظور منووووره غلاتي زادني شرف هذا الحظور الجميل منك للحب معروف | |||||||||||||||
| |
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعالوا شوفوا اغبى الطلاب | نور | [ منتدى الدجة و الصرقعة] | 0 | 31-Mar-2008 11:26 AM |
| شوفوا الصعيدي ,,,,,,,, | عافك الخاطر | [ منتدى الدجة و الصرقعة] | 7 | 29-Mar-2008 12:42 AM |
| بنت رسبت في الثانويه شوفوا ايش سوت | غلا الاثير | [ منتدى القصص و الروايات] | 15 | 14-Mar-2008 03:36 AM |
| شوفوا سياره البيبسي | شموٍخ إنسآن | [ منتدى السيارات] | 17 | 09-Dec-2007 02:43 AM |
| شوفوا صور الفنانين......... | للحب معروف | [ منتدى الصور و الرسومات] | 21 | 13-Jul-2007 05:09 AM |
 |  |
العرض العادي
