بسألك ماني فقير ؟؟!!

الاسطوره · 28-Dec-2007, 11:57 PM

فقير وعندي المال الكثير
فقير وملبسي غالي حرير

وياصاحبي الحافي الفقير
ابنشدك ابسئلك وشهو الحصير

وابسئلك وشلون انا امر وانهي
واذا حكيت قبل انتهي من كلمتي

يقاللي سم ويصير

ولاشكيت من غفلتي طول زمنها
يقاللي لاتشتكي ماخلقت الشكوى لأمير

وابسئلك وشلون انا مع كل ذا
اقول عن نفسي فقير

ياصاحبي لاصار لضحكه ثمن
وصارو اصحاب كثير

والوفاء مابه وفاء الا بثمن
ابسألك ماني فقير

ولاصارت اقوالي حكم
ولاقالها غير غدت .. حكي قديم

اسألك ماني فقير ؟؟

ولاصرت أنا مانيب أنا
ولاغلطت قالوا صحيح وكل شئ اعمله يصبح عظيم

ابسألك ياصاحبي ماني فقير ..

وياصاحبي ابنشدك لمن جفتني دنيتي
وابتدأ الدرب الطويل اللى ابد ماينتهي

والموت بدد فرحتي .. وحطوني في قبر صغير
وحزنوا على وبكو هلي وناس من ربعي قليل

وارتاح من وجهي كثير
وبقيت وحدي في حيرتي مابه احد

لاطال عمرك ولاتحت امرك
ماغير أنا وخوف ولحد وحساب عسير

وقتها ذكرت أني من زمان
يوم أنه امهلني الزمان

هذا ظلمت هذا جرحت ياما كذبت
وذنوبي ماتحصى كثير

وقتها الا ندمت ونفسي كرهت
عرفت أن الله كبير وان الهلاك اصبح اكيد

واني أنا مالي رجاء .. ولاهروب من الدجاء
من الجحيم الا بأمل عندي وحيد

أن الله عفار ورحيم
ابسألك ياصاحبي عني وقتها

مانــي فقـــيــر

للشاعر : الأمير عبدالرحمن بن مساعد ...:010: :harhar1:

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري