أولا السلام عليكم ورحمة الله وبركاته

ثاني شي أنا عضو جديد هنا وماأدري اذا انتم تعرفون العبة هذي أو لا !!

أنا بضيفها وأتمنى تعجبكم

هي لعبة تقريبا صعبه على المبتدئين بس أنا راح أشرحها لكم
طبعا ميزة اللعبه هذي أنها مايحتاج تحميل يعني هو موقع تسجل فيه وتكتب اسم قريتك والباسوورد حقك وتصير عاد انت تزورها وتطورها انا الحين بشرحها واللعبه عباره عن :


انت يكون عندك قريه و تبني فيها مباني وتزود المحاصيل وتكوّن جيش تحمي نفسك فيه من الأعداء

وتهجم عليهم فيه وتستوي على قرى ( صعب مرره أنك تستولي على قرى ) و تكوّن او تنضم حلف

ووووووو ... الخ


-----


قبل ما تسجل في اللعبه تختار الحضاره ( الرومان - الجرمان - الأغريق )
طبعا أنا مبتدأه باللعبه أخترت الرومان لأنها مناسبة للمبتدئين

وأول ما تسجل يصير عندك قريه وتكون فاضيه ما فيها غير ( المبنى الرئيسي )

وفيه المواد الخام واللي هي : الخشب والحديد والطين والقمح


وبهذي المواد تبني المباني والأسواق والجنود وكل شي


وعشان تزيد انتاج هذي المواد لازم تطور الحقول

يعني قبل ما تهتم ببناء المباني , ركز على تطوير المواد الخام ( الحديد والقمح والطين والخشب )


بعد ما تطور المواد الخام يمديك تبني مباني جديده


اول شي اختر موقع المبنى
اذا اخترت موقع المبنى .. راح تطلع لك عدّت مباني


وكل مبنى وله شروطه من القمح والحديد والخشب والطين ( على حسب نوعه )


وكل مبنى جديد تبنيه يزود سكان القريه بقدر معيّن
وفي ترافيان أنت تلعب مع الآلاف من الاعبين


في الخريطه يمديك تشوف قريتك وجيرانك


ويمديك تحط احداثيات اي واحد ويجيب لك قريته
بعد ما تسجل باللعبه .. بعطيك لمحه عن بعض الأشياء
1 - المحيط: هنا تجد مجال موادكم الخام

2 - المركز: في القرية يمكنك انشاء المباني

3 - خريطه : بلدك وجيرانك هنا

4 - احصائيات : الرتب ومقارنات مع لاعبين

5 - تقارير : معلومات عن الأحداث في قريتك

6 - رسائل: ارسال واستقبال رسائل

واخيراً انتهيت من شرح اللعبه

وعلى فكره اللعبه هذي تستمر فيها لشهور !!!!


ادري انه شرح مختصر بس اعذروني اول مره اسوي تقرير
طبعا انتم اختاروا سيرفر 2 عشان كل العرب موجودين فيه

ارجوا من كل اللي سجلوا باللعبه ان ما تلهيهم اللعبه عن صلاتهم وعبادتهم ..



لان طاعة الخالق اهم من كل شي بالعالم .. وبعد الموت ما ينفع الندم



وكل واحد مهدد في اي لحظه انه يموت .. مو شرط انه يعجّز



ابري ذمتي الى الله .. اللهم انّي بلغت اللهم فشهد

و أتمنى من مراقبين القسم تثبيت هذا الموضوع لأن اللعبه تكون على المدى البعيد ..:)

والرابط

[عزيزي الزائر يتوجب عليك التسجيل للمشاهدة الرابطللتسجيل اضغط هنا]


واتمنى تعجبكم ولاتبخلوا علي بالرد
وفالختام( سبحانك اللهم وبحمدك أشهد لا إله الا انت أستغفرك وأتوب أليك)