بطولة(مصيرك لي)&(نواف <<<خويي)

مصيركـ لي · 24-Feb-2008, 08:00 AM

كيف الحال جميعا ان شاءالله تمام

طبعا تتسألوون وش القصة رااح أقوولكم بالتفصيل الممل

يوم من الايام الساعه 1.30 بالليل

كنا انا و(نواف) في السياره عند باب بيتنا نسووولف يوم جيت بأنزل

وأقوول (لنواف) شووف هناك ويشووف الا شغاله مطلعه أغرااضها ومرتبكة

مره تروح اللفه ومره ترجع وتتصل بالجوال هي شغالة جيرانا قلت شكلها منحاشة

قال (نواف) خلنا نروح وش السالفه قلت لافكك من المشااكل قال ياولد خلنا نرووح الا ويشطفنا راعي لموزين

أي بمعنى تاكسي ومعاه ممرضة من مستوصف الجزيرة كيف عرفنا يوم مسكناهم عرفنا كل شي

وتحذف أغراضها في التاكسي وتركب بسرعه قال (نواف) خلنا نلحقهم قلت روق لاينزل الباكستاني يمردغنا

وشووي ويدعس (نواف) ورى التاكسي ويدخل حاره ويسرع وحنا ورااه داعسين ومن أشارة لأشارة

ويدق(نواف) على الدوريات وقلنا في حالة هرووب قال العسكري وقفووهم باللي هي به لايروحون

المووهيم دخلوو شاارع ووقفناهم وينزل (نواف) ويصرخ على الباكستاني أنا قلت بس (نواف) راح فيها

بيرجع بأخلاء طبي

وأنا ماسك الجوال على أنه جهاز دورية ألو عمليات حول في حالة هرووب وأنا نصااب

الموهيم (نواف) قال للتاكسي هات أثباتك معاك البحث بالله هذا وجه بحث قال الباكستاني هات بطاقة تثبت أنك بحث

(نواف) قال هااا!! عكسها وقاال مافي روح الحين أيجي دوريات ومشى التاكسي وندعس ونعرض عليه وينزل (نواف) وأنزل أنا

خلااص ناويين الباكستاني شووي دورية شطفتنا ماجاها بلاغ وينزلون الشغالة والممرضة وينحاشوون برجوولهم

و(نواف) يركب السياره ويرجع ريوس ويطردهم والدورية رجع ريوس وأجي أقوولهم شغالات منحاشين ويكمل

وأنا بأطرد وراهم ونسيت راعي التاكسي وأرجع وأصفط على خشتي وأقوم على أنه مااصاار شي أقوول هات أثباتك

يوم شااف الدورية عطاني الاثباات يقوول صديق أنا مسكين والله مافي سوي شي نصااااااب درجة أولى

(نواف)حجر الأولى والثانيه تخبت تحت السيارة وشاافاها العسكري ومسكها ولقينا معاهم كالاتي : -

1 - شماغين وطاقيتين وعقال لكفيلها علشان تسحره .
2 - أدوات شعووذه .
3 - كيس مليان ذهب الله العالم كم قيمته ؟.
4 - صور في علبة سودا لمجموعة من الناس علشان تمارس السحر فيهم .
5 - شعوور ملفوووفه تسووي فيها بعد سحر يمكن لحرمة أو بنت الكفيل .
6 - أشياء محرمه سخط الله عليهم .
الله يلعنهم

ونرووح لراعي البيت ونقوله شغالتكم منحشاة قال دقيقه راح دورها ما لقاها <<<انوااع التناحه

الموهيم أنتهت الليلة الشااقة وأنا ومصطر (نواف) ننتظر مكافأة

يطلع أسمنا في الجريدة يعطونا مبلغ شي حتى ريالين ماعطونا علشان نشتري عصير

<<<<<<يبي يترزرز في الجرايد

بس الله يعطيك ألف عافيه والله يستر عليكم

لاكن وش نسوي الأجر عند الله اهم شي الاخلاق وحب الوطن

علشان كذا أرجو منكم رجاااء خااص أنكم تنتبهون على الشغالات اللي عندكم

وتاخذوون الحذر اللازم
كنتم مع قصة سوبر مان وباتمان <== أمحق

وشكرن على حشن أستماعكم أما الان مع الاعلانات التجارية <== متأثر بالقناة الأولى

>>>ياسمجك هههههههههههههههههههه

βαĐěЯ . ، ! · 24-Feb-2008, 10:19 PM

اقتباس:

الله يلعنهم

[size="3"]
آمينُ

..
يعطيك آلعآفيه خيوِ تسلم يمنآك يآخلفهم

لآعدمنآك ..

تـحَ تـحَ .,~![/SIZE]

الاسطوره · 24-Feb-2008, 10:30 PM

ونرووح لراعي البيت ونقوله شغالتكم منحشاة قال دقيقه راح دورها ما لقاها <<<انوااع التناحه

الموهيم أنتهت الليلة الشااقة وأنا ومصطر (نواف) ننتظر مكافأة

يطلع أسمنا في الجريدة يعطونا مبلغ شي حتى ريالين ماعطونا علشان نشتري عصير

يعطيك العافيه وماقصرت يالغالى وماشاء الله عليك انقذت عائله منهم وربي يجزاك الف خير وماقصرت وربي يجعله فى موزين اعمالك ماشاء الله عليكم وسلام على نواف وربي يوفقكم ويسهل دربكم يارب

مصيركـ لي · 24-Feb-2008, 11:06 PM

تح تح

يعطيك ألف عافيه على مرورك الجميـــــــل

مصيركـ لي · 24-Feb-2008, 11:07 PM

اقتباس:

يعطيك العافيه وماقصرت يالغالى وماشاء الله عليك انقذت عائله منهم وربي يجزاك الف خير وماقصرت وربي يجعله فى موزين اعمالك ماشاء الله عليكم وسلام على نواف وربي يوفقكم ويسهل دربكم يارب

الاسطورة يسلمممممممممممممو على مرورك العطـــر

تحياتي لك

اليث الابيض · 26-Feb-2008, 02:47 PM

ثنكيوووووووووووووووو
يعطيكالعافيه
تقبل مروري
اخوك
اليث الابيض

مصيركـ لي · 04-Mar-2008, 04:35 PM

الليث يعطييك العافيه على المرور الرائع

تقبل تحياتي

دنيا المحبه · 05-Mar-2008, 03:28 PM

يعطيك العاقيه اخوي اختك دنيا المحبه

مصيركـ لي · 07-Mar-2008, 01:11 AM

يسسسلمو دنيا المحبه على المرور الجميــــــــل

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري