ما تغيَّر شي.. لكن .. صار فاضي هالمكـان
يعني ما شفت قلبي طحت مِنْ عينـي وعينـه

كان لك قلبي مدينه ولاحظي إني قلت : ((كـان))
يعني إنتَ الحين واحده ((خارج حدود المدينة))

ليه مستغربه كلامـي وليـه أعطيك الأمـان
وليه تَكْذِبي في كلامـك العـذر وينـك ووينـه

ما ألومك كان قلبـك ثـارت أمواجـه وخـان
الخطأ منَّي لأني صـرت فـي بحـرك سفينة

والسؤال اللَّي كتمته وما نِطَـق فيـه اللسـان
كيف إيدكي إطعنتني وآنـا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فينـي ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَي قلبي ما كرمتيه وما قـدرتي إنِّـك تهينـينه

( عزِّتي ).. ما هي جديده آنا شامخ من زمان
إغسل إيدكي من رجوعي وروحي يا ............

طاب خاطر قلبي منِّك وهـذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتيـن وثمـان
أدمح الزله عشانـك وأكتـم أنفـاس الغبينـه

كنت أحبك وكنت أعزك والغـلا فينـي جبـان
اخاف تزعلي لو ألومك ضعت ما بينـك وبينـه

في عيون الناس عادي بس في عينـي جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخـص خـان
المحبه في زمانك بحرهـا مـن غيـر مينـه

الفشـل .. كـان النتيجـه وأعتقـد آن الأوان
أبني مستقبل حياتي وأنسـى قصتنـا الحزينـه

وخطوتي الأولى غيابي وراح أطبقهـا عشـان
يبكي قلبك لا فقدني والنـدم .. يملـي سنينـه

جايه تسألي عن مكانك !! هو بقى فيني مكان ؟؟
الله يرحمها المشاعر اللي كانـت لـك رهينـه

قلت لك قلبي ( مدينه )فيها لك حشمه وشـان
لكن إنتَ الحين أغرب شخص في هذي المدينه

التوقيع

ممـ ـكن رد

التوقيع

التوقيع

مشكوووووووووووووووووووووووووووور اخوي على تعطيك صفحتي والله
يعطيك ألــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــف عافيه

التوقيع

التوقيع

// \\ إستمع الى القرآن الكريم بصوت القرأ المفضل لديك بالضغط هنا ،