-------|[ ^^ مسجاااااااااات شعريه ^^ ]|--------

--------------------------------------------------------------------------------


( تعرف مين أنا )
أناالحبـيب اللي حبيـبه (تناسـاه)
صابر على الأحزان مثل( الأصايل)
أناحكايـه طولهـا ألـف ( مأساه)
تسخر من الأحزان رغم(الهوايل)
أنا الوحيـد اللـي زمانـه (تحـداه)
فاقد عزيـز وحيلـته (بالرسايل)
@@@@@@@@@@@@@@@
ليتك وهم .. وأعاملك مثل الأوهــام
وليتك زعل وأموت أنا ما رضيتــــــه
أمعاهدك باللي ضمن رزق الأيتـــــام
لا أعطيك .. كل اللي بعمرك رجيتــــه
حتى خفوق راحت ضلوعه أقســــــام
إخذه .. أن كانــــك في محله لقيتـــــه
********************
إشتقت لك وقت مضى وارجع أشتـــاق
وأقول معقوله حبيبي جفــــــــاني
أسهر بليلي وانتظر وقت الإشــراق
لا مرني طيفك حبيبي خـــذانـــي
ما هي غربية لا نويتي على فــــراق
لا صار قلبك يشغله حب ثانـــــــي
Ppppppppppppppppppppp
منك العذاب وصادق الـــــود منـــــي
وفيك الدلال وفيني أشواق وجـــــــروح
إن غبت أهوجس بك عزاي التمنــــي
وباب الحزن لمعانق القلب مفتـــــــوح
دايم تبيني في هـــــواك متعنــــــي
وأنا ادري اني عندك أغلى من الروح
:::::::::::::::::::::::::::::::::::::::::
رغم المسافة وإبتعادك عن الشـــــوف
الشوق يرسم لي ملامح عيونــــــك
أموت لك مليون مره من الخـــــوف
يا واحد عيت حياتي تخونـــــــــــك
يا كيف أخونك وأنت مولود بالجـوف
وبين الحنايا منك نور يصونــــــــك
//////////////////////////////
في غيبتك غابت عيوني عن النوم
وين أنت ياللي مبتعد عن نظرها
عزالله إني صرت تايه ومجنون
ماعاد أميز يومها من شهرها
إن جيت أسلي خاطري عنك وأشوم
صرت النظروالعين تتبع نظرها
??????????????????????????????
أموت بنظرتك وأعشق سكون الحرف بشفاتك
أبي أصبر على بعدك ولكن كل شي ضدي
ولا أقدر على بعدك ،، خلاص بشوفتك ودي
حبيبي كانك المخطي،، حضنت بروحي زلاتك
إذا عندك عذر مقنع،، أنا هاللحظة ما عندي
سوى حب ملا صدري،،يفوق الحب في ذاتك
Nnnnnnnnnnnnnnnnnnnnn
*أحبك*
لا تحسب كلمتي زلة لسان
الغلا ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب وحنان
وكل شدة باس قدامك تلين
مابقى للصمت في صدري مكان
إيه *أحبك* قلتها والله يعين
Vvvvvvvvvvvvvvvvvvvvv
طعم الحياة بغيبتك صعب ينطاق
والنوم بعدك ما تذوقه عيوني
أشتاق في بعدك وفي قربك اشتاق
حبك جنوني وأنت كلك جنوني
يامعرض روحي على جمر الأشواق
لارحت عني كيف حالة عيوني ؟
Xxxxxxxxxxxxxxxxxxxx
صوتك يداوي علة القلب والروح
أرجوك لا تقطع دوى الروح عني
أموت أنا بصوتن جمع جد ومزوح
لامن سمعته قمت أرحب وأغني
فديت من خلا حياتي لها روح
فديت من حبه غزاني وفتني
Qqqqqqqqqqqqqqqqqqq
خذني معك لا تخلين وحيـــــد
تبري جروح في حشايا عميقـــه
خايف من الزمان ياخذك عني بعيد
تنسى هوى روح بودك غريقــه
خذني معك وين ماودك تريــــد
مسأل أنا وشي نهاية طريقــه
مقوى الجفا لو كان قلبي من حديـد
فرقا عشير بالملا من يطيقـــــه
^^^^^^^^^^^^^^^66
الحب في دنيا المحبين أســرار
وحبك بقلبي فاضحنه عيوني
هرجي كله صار مواويل وأشعار
ماهو بكيفي صار حبك جنوني
ياسكن بقلبي ولك ألف مقــدار
تعال وخفف لوعت الشوق ياعيوني
***********************
سبحان من صور حبيبي على الكيــف
واختار له صورة تليق بمقامـــــــه
صحيح لو قالوا عجيب التواصيــف
في مشيته في ضحكته في كلامــــه
إذا هرج لك ما تمل الســواليــــف
وليا إبتسم يازين ذيك الإبتسامـــه
((((((((((((((((((((((((
جمر الهوى لو ما طفيته حرقني
وجمر الغلالوما شعلته تألمت
أشتاق لك مادام ربي خلقني
أبيك تفهمني ولو ماتكلمت
أقسم بعزة من خلقك وخلقني
(لومانت غالي ما تعنيت وارسلت)
@@@@@@@@@@2
أسألك بالله همك وتفكيرك
والهاجس اللي خذاك بعيد عن عيني
قلها بصراحة ولاتكثر معاذيرك
هاجسك في غلطتك وإلا بعد فيني
ما تدري إني رغم شوفي لتقصيرك
أمشي معاك وين ماحبك موديني
#################
خذني جريح شعور يعشق وصالك...
ينزف جروح العشق وأيامه شهود ...
خذني غريق أحلام عانق خيالك ...
يرجي سحاب ايديك والشوق موجود ..
خذني بقايا إنسان كلي حلالك
واسكن عروق القلب والعشق موجود.
@@@@@@@@
تعال لك بالقلب حشمة ومقدار
بعيوني وقلبي وروحي رضيتك
تعال لا تذبح فؤادي بالأعذار
تعال ياحب بروحي فديتك
اقبل على قلب يحبك ومحتار
حبك على كل الملا واشتريتك
قلب حفظلك داخله كل الأسرار
حبك وسرك داخله ما نسيتك.
#####################
اجمع أحزانك وهمك والعذاب
وهلها في وسط صدري هلها
لا تخاف من الملامة والعتاب
دام أنا راضي سيوفك سلها
فدوتك روح ٍ رضت بالاغتراب
تتجه للموت لو أشرتي لها
ماشي بشورك ولو شورك عذاب
لعن ابو روح ٍ تعاند خلها.؟
********************
اترك جمالك ياحبيبي على جنب
غير الحلا يعجبني بزود طيبك
كلك على بعضك تجنن وتنحب
حظي كبير اللي جعلني حبيبك
إن كان حبي بنظر بعضهم ذنب
يامرحبا والله بذنب يجيبك
ماقول غير الله يخليك يارب
ويعمي عيون من حسدها تصيبك
^^^^^^^^^^^^^^^^^^
امانه اذا سالوك الناس عني..
قول رحمة الله عليه..
حبيبي هذي لك وصيه مني.
قول لهم الله بيجازيه..
حبني ومن زود حبه كرهني.
قول انا غدرت فيه..
واهوكان صادق ولا يظلمني..
قول للناس :
حبني وانا اللي خنت فيه..
$$$$$$$$$$$$$$$$$
ناظرتني بطرفها الساهي
وقالت:لوتفارقني أموت
وافترقنالا رسايل ولاصوت
وكنت أسأل دايم أسأل:
يا ترى وش صار فيها؟
قالوامبسوطة)ماعليها
صارت أجمــل
وابتسمت..
وقلت: هذا اللي أبيه
بس كيف أناصدقت
يوم قالت لي بموت؟
@@@@@@@@@@
نفسي أقول
إني حزيـن
إني سجيـن
~لكل ذكرى لك معي
وأبغى أقول:
إني أنــا
أشكي العنا
~وأقول للذكرى ارجعي
وأرجع أقول
ليت الهوى
يجمع سـوى
~أهل القلوب اللي تعي
ونسيت أقول:
من الفراق
الصدرضـاق
~والعين هلت مدمعي
@@@@@@@@@@@
اختلفنا في وجهة نظر
ليه ياخلي الزعل
الحبايب تختلف.
وماهي تالية العمر
ليه ياخلي الجفا؟
الكلام أخذ وعطا.
ليه ياخلي القطيعة؟
ومن شراك أنت تبيعه
منقوووووووووله
محبتكم
بنووووووووووته

رووعة يسلمووو خيتوو

يااهلا
واللهـ

رغم المسافة وإبتعادك عن الشـــــوف
الشوق يرسم لي ملامح عيونــــــك
أموت لك مليون مره من الخـــــوف
يا واحد عيت حياتي تخونـــــــــــك
يا كيف أخونك وأنت مولود بالجـوف
وبين الحنايا منك نور يصونــــــــك



رووعه
الله يعطيك العافيه


مس 9

لاهنتي منووووووره

التوقيع

لاتعليق ماعندي رد يوازن
روعة المسجات
تسلمين بنوته الجبيل

التوقيع

\\ // \\ إستمع الى القرآن الكريم بصوت القرأ المفضل لديك بالضغط هنا

ليتك وهم .. وأعاملك مثل الأوهــام
وليتك زعل وأموت أنا ما رضيتــــــه
أمعاهدك باللي ضمن رزق الأيتـــــام
لا أعطيك .. كل اللي بعمرك رجيتــــه
حتى خفوق راحت ضلوعه أقســــــام
إخذه .. أن كانــــك في محله لقيتـــــه
********************

مسجــات روووووعه...

يعطيكـ العافيه خيتووو...

راائعـه ..


^.. شكراً لك ..^

الحب في دنيا المحبين أســرار
وحبك بقلبي فاضحنه عيوني
هرجي كله صار مواويل وأشعار
ماهو بكيفي صار حبك جنوني
ياسكن بقلبي ولك ألف مقــدار
تعال وخفف لوعت الشوق ياعيوني


اعجبني هالمسج ..

يامال العافيه

تقبلي مروري

اخوك ..