 حياة الأسر ولا حرية الحرمان 10-Dec-2007, 12:45 AM
اعزائي فرسان المنتدى الرائع
برغم مافي الحب من جمال اللحظات وحرارة انتظار الحبيب بكل شوق الا ان من انكوى بنار الفراق يعيش حياة التايه بلا عنوان يتقلب على جمر الذكريات ... ينتظر عودة المحبوب لعل روحه التي فارقت جسده تعود اليه .... ولكن يموت الامل والحبيب لا اثر له في الافق القريب فيعلم انه عاش ينتظر السراب فتتساقط الدموع من عينيه ليناجيها ويبث اليها احزانه
حرية الحرمان
انا بسألك يالدمعه ياللـي مـن عيونـي سلـت
إذا ممكن تقولي لي وتطفـي لهفـة الحيـران
دخيلك دمعتي ارجوك عزيزه وغاليـه ولاهنـت
ماشفتي حبيب القلب اللي فـي عيونـي كـان
ترى يادمع انا من لي بظلمـة ليلـي إلا انـت
من اللي يسهر يواسي عيون المغرم الولهـان
انا مدري أحس اني على شط المآسـي ملـت
الا يادمع وش هيض مشاعـر تنفجـر بركـان
اموت بدمعة احزاني وابكي من همـوم شلـت
ألا وش بدل افراحـي وغيـر جنتـي بنيـران
حبيبي اللي سكن قلبي.. ياللي عن عيوني غبت
غيابك طال ياعمري عسى منته علـي زعـلان
اناديلك حبيب القلـب ياشوقـي ويامـن كنـت
اغلى من نظر عيني ياروحـي واعـز إنسـان
فديتك ارجع لقلبي تراني فـي غيابـك صـرت
مثل منهو فقد روحه موارى في ثرى النسيـان
تراني اعترف اني بدونـك لـو يقولـوا مـت
اقول الموت مايفرق مثل عيشـه بـلا عنـوان
حبيبي دايم اتخيـل الـى منـك لقلبـي عـدت
كأني ولدت من ثاني بلحظـة شوفـة الخـلان
ترى ماهو جنون اللي كتبته في قصيدي وقلـت
جروحي هيجت مني حروف تشتكـي الكتمـان
حلفت من كثر ما عانيت الى مني بعيني شفـت
عيونك بعد هالغيبـه لضمـك داخـل الوجـدان
وارفع رايتي البيضا واقول ارجوك انا استسلمت
امد ايديني لقيدك عسـاك تكـون لـي سجـان
انا اشوف الاسر رحمه الى مني بقربـك كنـت
اعيش الاسر في قربـك ولا حريـة الحرمـان
وسلامتكم ..:warda:
| 
![[ منتديات تقوى الهجر ]](http://www.alhgr.com/vb/upload/1---Banar-2.gif)
العرض العادي
