جميل ان يجد المرء في محنته شخص يرتمي


في احضانه ويكفكف دموعه


ويخفف الالام عنه






ياحبر... خـط اللي.. يمليه الاحسـاس


كـلمه.. بكـلمه واحـتـرص للتفـاصيل


فـي لـيـلة.. نامت بها الجن والناس


واناالوحـيد...اللي بهــا قام لليل



أخيـل عـيـن.. تذرف الـدمع بالكاس


وعـين بوسـط الكاس.. لدموعي اتخيل


وأعـزف مواويل الألم... قبل الأنفاس


تبكي... وتعـزفـني لحـون ومـواويل



وفلحظـة, يطـري صـاحبي بين الأقواس


فـديته من صـاحـب فوقـت الغـرابيل


أدق رقـمـه .. وانكسر حاني الراس


واضـغط على الأوكيه .. وبدون تطويل


ويطلعلي رقمه.. وانحفظ سحر الألماس


الغالي المصيون .. عـن كـل تنـزيل



ولا ردخـلي, وقـال يـاطـيـب السـاس


حـييـت .. ياذخـر السنين المقابيل


وامـيـة هـلابـك.. طعمها شهد منحاس


فـشرع البدو تغني عن التمر والهيل


ويامرحبا.. والشـوق بي صـعب ينقاس


لا يحـصـره كـيلو.. ولا يحـكمه مـيل


لابــوالشـفايا.. قبل أكـلمـه يباس


وتبـللـت.. مـن قـال مشتاقـلك حيل



رديـت أنا.. وأسـكتني بـقـول لاباس


من قبل لاشـكي... حــس بجروحي تسيل


قـال الحزن.. يخـسـى لعينك وينداس


والهم زايل.. والـعنا.. والتهاويل



قـلـت الأسـى.. يكتبني بـكـل قرطاس


ويقراني القرطـاس... محروم وذلـيل



انـاالعليـل..اللي تبرى مـن الياس


وشـح الأمـل.. ماضـمد جـروح العليل



واناالوحيد..اللي بجـيل التغطراس


ذم الغرور.. وذم نـزوات هـالجـيل



أشـعـل قـناديـلي فظـلمات الأغلاس


ويـشـع حـزنـي قبل نور القناديل



وأزع مـحـاصـيل المحـبة والأنجاس


داسـوا المحبة قبل زرع المحاصيل



ومـادام قـلبي.. كاسـب كل نوماس


ولـه سـيرة.. تشرقبها شمس الأصيل


بجـزم.. بيحـرق ضـيها كـل وسواس


مرسـول مـن هـراجة القال والقيل





..هذا واتمنى ان تنال اعجابكم.. واستحسانكم

ودمتم بحب

مرة جنآاان

مشكورة ياقمر

يسلمووو العنود على الطرح الرائــــــــــــــــع